ਐਂਟਾਨਾਨਾਰਿਓ ਵਿੱਚ ਪਹਿਲੇ ਹਿੰਦੂ ਮੰਦਰ ਹਾਲ ਦਾ ਉਦਘਾਟਨ


ਅੰਟਾਨਾਨਾਰਿਓ, 19 ਅਕਤੂਬਰ (ਸ.ਬ.) ਨਵਰਾਤਿਆਂ ਦੇ ਮੌਕੇ ਹਿੰਦ ਮਹਾਸਾਗਰ ਵਿਚ ਸਥਿਤ ਸਭ ਤੋਂ ਵੱਡੇ ਟਾਪੂ ਪੂਰਬੀ ਅਫਰੀਕੀ ਦੇਸ਼ ਮੈਡਾਗਾਸਕਰ  ਦੀ ਰਾਜਧਾਨੀ ਅੰਟਰਾਨਾਨਾਰਿਓ ਵਿਚ ਇਕ ਵਿਸ਼ਾਲ ਹਿੰਦੂ ਮੰਦਰ ਹਾਲ ਦਾ ਉਦਘਾਟਨ ਕੀਤਾ ਗਿਆ|
ਇਸ ਦੇਸ਼ ਦੀ ਆਬਾਦੀ 26 ਲੱਖ ਹੈ| ਮੈਡਾਗਾਸਕਰ ਆ ਕੇ ਵਸੇ 20 ਹਜ਼ਾਰ ਤੋਂ ਵਧੇਰੇ ਭਾਰਤੀ ਮੂਲ ਦੇ ਲੋਕਾਂ ਵਿਚ ਜ਼ਿਆਦਾਤਰ ਗੁਜਰਾਤ ਦੇ ਹਨ| ਇੱਥੇ ਇਕ ਵਿਸ਼ਾਲ ਹਿੰਦੂ ਮੰਦਰ ਦਾ ਨਿਰਮਾਣ ਕੰਮ ਚੱਲ ਰਿਹਾ ਹੈ, ਜਿਸ ਦੇ ਤਿੰਨ ਤੋਂ ਚਾਰ ਮਹੀਨੇ ਵਿਚ ਪੂਰਾ ਹੋਣ ਦੀ ਆਸ ਹੈ| ਨਿਰਮਾਣ ਕੰਮ ਪੂਰਾ ਹੋ ਜਾਣ ਦੇ ਬਾਅਦ ਅੰਟਾਨਾਨਾਰਿਓ ਵਿਚ ਇਹ ਪਹਿਲਾ ਹਿੰਦੂ ਮੰਦਰ ਹੋਵੇਗਾ|
18ਵੀਂ ਸਦੀ ਵਿਚ ਭਾਰਤੀ ਮੈਡਾਗਾਸਕਰ ਆਏ ਸਨ| ਇਕ ਛੋਟੀ ਕਿਸ਼ਤੀ ਵਿਚ ਇੱਥੇ ਆਏ ਭਾਰਤੀਆਂ ਵਿਚੋਂ ਜ਼ਿਆਦਾਤਰ ਗੁਜਰਾਤ ਦੇ ਸਨ| ਹਿੰਦ ਮਹਾਸਾਗਰ ਦੇ ਵਪਾਰ ਵਿਚ ਸ਼ਾਮਲ ਲੋਕਾਂ ਨੇ ਉਦੋਂ ਤੋਂ ਮੈਡਾਗਾਸਕਰ ਵਿਚ ਵਣਜ ਅਤੇ ਵਪਾਰ ਦੇ ਵਿਕਾਸ ਵਿਚ ਸ਼ਾਨਦਾਰ ਯੋਗਦਾਨ ਦਿੱਤਾ ਹੈ| ਇਸ ਦੇ ਨਾਲ ਹੀ ਭਾਰਤੀ ਮੂਲ ਦੇ ਲੋਕਾਂ ਨੇ ਭਾਰਤ ਅਤੇ ਮੈਡਾਗਾਸਕਰ ਵਿਚ ਵਪਾਰ ਵਧਾਉਣ ਦਾ ਕੰਮ ਕੀਤਾ ਹੈ| ਮੈਡਾਗਾਸਕਰ ਵਿਚ ਪ੍ਰਵਾਸੀ ਗੁਜਰਾਤੀ ਪੂਰੇ ਦੇਸ਼ ਵਿਚ ਫੈਲੇ ਹੋਏ ਹਨ| ਜਿਹੜੇ ਨਵੇਂ ਮੰਦਰ ਹਾਲ ਦਾ ਉਦਘਾਟਨ ਕੀਤਾ ਗਿਆ, ਉਹ ਆਪਸੀ ਮੁਲਾਕਾਤ ਵਿਚ ਸਹਾਇਕ ਹੋਣ ਦੇ ਨਾਲ ਹੀ ਭਾਈਚਾਰਕ ਭਾਵਨਾ ਨੂੰ ਮਜ਼ਬੂਤੀ ਵੀ ਦੇਵੇਗਾ|

Leave a Reply

Your email address will not be published. Required fields are marked *