ਕਰਨਾਟਕ ਵਿਧਾਨ ਸਭਾ ਵਿੱਚ ਹੱਥੋਪਾਈ ਹੋਏ ਕਾਂਗਰਸੀ ਵਿਧਾਇਕ, ਚੇਅਰਮੈਨ ਨੂੰ ਕੁਰਸੀ ਤੋਂ ਖਿੱਚ ਕੇ ਹਟਾਇਆ


ਬੈਂਗਲੁਰੂ, 15 ਦਸੰਬਰ (ਸ.ਬ.) ਕਰਨਾਟਕ ਵਿਧਾਨ ਸਭਾ ਵਿੱਚ  ਅੱਜ ਸਵੇਰੇ ਇਕ ਅਜੀਬ ਝੜਪ ਵੇਖਣ ਨੂੰ ਮਿਲੀ| ਕਾਂਗਰਸੀ ਵਿਧਾਇਕਾਂ ਨੇ ਵਿਧਾਨ ਸਭਾ ਦੇ ਚੇਅਰਮੈਨ ਨੂੰ ਉਨ੍ਹਾਂ ਦੀ ਕੁਰਸੀ ਤੋਂ ਜ਼ਬਰਦਸਤੀ ਖਿੱਚ ਕੇ ਹਟਾ ਦਿੱਤਾ| ਇਹ  ਵਿਧਾਇਕ ਦੋਸ਼ ਲਗਾ ਰਹੇ ਸਨ ਕਿ ਬੀ.ਜੇ.ਪੀ. ਅਤੇ ਜੇ.ਡੀ.ਪੀ. ਨੇ ਮਿਲ ਕੇ ਗੈਰਕਾਨੂੰਨੀ ਤਰੀਕਿਆਂ ਨਾਲ ਚੇਅਰਮੈਨ ਨੂੰ ਕੁਰਸੀ ਤੇ ਬਿਠਾਇਆ ਹੈ|
ਹੰਗਾਮੇ ਤੋਂ ਬਾਅਦ ਕਾਂਗਰਸ ਵਿਧਾਇਕ ਪ੍ਰਕਾਸ਼ ਰਾਠੌਰ ਨੇ ਕਿਹਾ ਕਿ ਜਦੋਂ ਸਦਨ ਨਹੀਂ ਚੱਲ ਰਿਹਾ ਸੀ, ਉਸ ਸਮੇਂ ਬੀ.ਜੇ.ਪੀ. ਅਤੇ ਜੇ.ਡੀ.ਪੀ. ਨੇ ਗੈਰਕਾਨੂੰਨੀ ਤਰੀਕਿਆਂ ਚੇਅਰਮੈਨ ਨੂੰ ਕੁਰਸੀ ਤੇ ਬਿਠਾਇਆ| ਬਦਕਿਸਮਤੀ ਨਾਲ ਬੀ.ਜੇ.ਪੀ. ਅਜਿਹੇ ਗੈਰ ਸੰਵਿਧਾਨਕ ਕੰਮ ਕਰ ਰਹੀ ਹੈ| ਕਾਂਗਰਸ ਨੇ ਚੇਅਰਮੈਨ ਨੂੰ ਅਹੁਦਾ ਛੱਡਣ ਲਈ ਕਿਹਾ| ਉਹ ਗੈਰਕਾਨੂੰਨੀ ਢੰਗ ਨਾਲ ਕੁਰਸੀ ਤੇ ਬੈਠਾ ਸੀ, ਇਸ ਲਈ ਸਾਨੂੰ ਉਸ ਨੂੰ ਉਥੋਂ ਹਟਾਉਣਾ ਪਿਆ|
ਕਰਨਾਟਕ ਦੇ ਬੀ.ਜੇ.ਪੀ.  ਵਿਧਾਇਕ ਲਹਿਰ ਸਿੰਘ ਸਿਰੋਈਆ ਨੇ ਇਸ ਨੂੰ ਗੁੰਡਿਆਂ ਵਰਗਾ ਵਤੀਰਾ ਦੱਸਿਆ| ਉਨ੍ਹਾਂ ਕਿਹਾ ਕਿ ਕੁਝ ਵਿਧਾਇਕ ਗੁੰਡਿਆਂ ਵਾਂਗ ਕੰਮ ਕਰ ਰਹੇ ਸਨ| ਉਨ੍ਹਾਂ ਨੇ ਵਿਧਾਨ ਸਭਾ ਕੰਪਲੈਕਸ ਦੇ ਉਪ-ਪ੍ਰਧਾਨ ਨੂੰ ਜ਼ਬਰਦਸਤੀ ਕੁਰਸੀ ਤੋਂ ਹਟਾ ਦਿੱਤਾ ਅਤੇ ਉਨ੍ਹਾਂ ਨਾਲ ਦੁਰਵਿਵਹਾਰ ਕੀਤਾ| ਅਸੀਂ ਸਭਾ ਦੇ ਇਤਿਹਾਸ ਵਿੱਚ ਅਜਿਹਾ ਸ਼ਰਮਨਾਕ ਦਿਨ ਕਦੇ ਨਹੀਂ ਵੇਖਿਆ| ਮੈਨੂੰ ਸ਼ਰਮ ਆ ਰਹੀ ਹੈ ਕਿ ਜਨਤਾ ਸਾਡੇ ਬਾਰੇ ਕੀ ਸੋਚ ਰਹੀ ਹੋਵੇਗੀ|

Leave a Reply

Your email address will not be published. Required fields are marked *