ਡੂ ਪਲੇਸਿਸ ਅਤੇ ਹੈਂਡ੍ਰਿਕਸ ਨੇ ਪਾਕਿਸਤਾਨ ਦੀ ਜੇਤੂ ਮੁਹਿੰਮ ਤੇ ਲਾਈ ਰੋਕ

ਕੇਪਟਾਊਨ, 2 ਫਰਵਰੀ (ਸ.ਬ.) ਫਾਫ ਡੂ ਪਲੇਸਿਸ ਅਤੇ ਰੀਜਾ ਹੈਂਡ੍ਰਿਕਸ ਦੀ ਰਿਕਾਰਡ ਸਾਂਝੇਦਾਰੀ ਦੇ ਦਮ ਤੇ ਦੱਖਣੀ ਅਫਰੀਕਾ ਨੇ ਪਹਿਲਾ ਵਨ ਡੇ ਕੌਮਾਂਤਰੀ ਮੈਚ ਜਿੱਤ ਕੇ ਟੀ-20 ਮੈਚਾਂ ਵਿਚ ਪਾਕਿਸਤਾਨ ਦੀ ਜੇਤੂ ਮੁਹਿੰਮ ਤੇ ਰੋਕ ਲਾਈ| ਦੱਖਣੀ ਅਫਰੀਕਾ ਨੇ ਪਹਿਲਾਂ ਬੱਲੇਬਾਜ਼ੀ ਲਈ ਭੇਜੇ ਜਾਣ ਤੇ 6 ਵਿਕਟ ਤੇ 192 ਦੌੜਾਂ ਬਣਾਈਆਂ ਅਤੇ ਬਾਅਦ ਵਿਚ ਰੋਮਾਂਚਕ ਮੁਕਾਬਲਾ 6 ਦੌੜਾਂ ਨਾਲ ਜਿੱਤਿਆ| ਪਾਕਿਸਤਾਨ ਨੇ 9 ਦੌੜਾਂ ਤੇ 186 ਦੌੜਾਂ ਬਣਾਈਆਂ| ਦੱਖਣੀ ਅਫਰੀਕਾ ਦੇ ਡੇਵਿਡ ਮਿਲਰ ਨੇ ਸਿੱਧੇ ਥ੍ਰੋਅ ਤੇ 2 ਰਨ ਆਊਟ ਕੀਤੇ ਅਤੇ ਰਿਕਾਰਡ 4 ਕੈਚ ਕੀਤੇ| ਇਸ ਸ਼ਾਨਦਾਰ ਫੀਲਡਿੰਗ ਲਈ ਮਿਲਰ ਨੂੰ ‘ਮੈਨ ਆਫ ਦਿ ਮੈਚ’ ਚੁਣਿਆ ਗਿਆ|
ਡੂ ਪਲੇਸਿਸ ਨੇ 45 ਗੇਂਦਾਂ ਵਿਚ 78 ਦੌੜਾਂ ਬਣਾਈਆਂ ਅਤੇ ਹੈਂਡ੍ਰਿਕਸ ਦੇ ਨਾਲ ਦੂਜੇ ਵਿਕਟ ਲਈ 73 ਗੇਂਦਾਂ ਵਿੱਚ 131 ਦੌੜਾਂ ਦੀ ਸਾਂਝੇਦਾਰੀ ਕੀਤੀ| ਹੈਂਡ੍ਰਿਕਸ ਨੇ 41 ਗੇਂਦਾਂ ਵਿਚ 74 ਦੌੜਾਂ ਬਣਾਈਆਂ| ਦੱਖਣੀ ਅਫਰੀਕਾ ਨੇ ਪਾਰੀ ਦੀਆਂ ਆਖਰੀ 28 ਗੇਂਦਾਂ ਦੇ ਅੰਦਰ 5 ਵਿਕਟਾਂ ਗੁਆ ਦਿੱਤੀਆਂ| ਪਾਕਿਸਤਾਨ ਦੀ ਸ਼ੁਰੂਆਤ ਬੇਹੱਦ ਖਰਾਬ ਰਹੀ ਅਤੇ ਫਖਰ ਜਮਾਨ ਪਹਿਲੇ ਹੀ ਓਵਰ ਵਿਚ ਆਊਟ ਹੋ ਗਏ| ਬਾਬਰ ਆਜ਼ਮ (38) ਅਤੇ ਹੁਸੈਨ ਤਲਤ (40) ਨੇ ਦੂਜੇ ਵਿਕਟ ਲਈ 61 ਗੇਂਦਾਂ ਵਿਚ 81 ਦੌੜਾਂ ਦੀ ਸਾਂਝੇਦਾਰੀ ਕੀਤੀ| ਤਹਿਤ ਨੂੰ ਸ਼ਮਸੀ ਨੇ ਪਵੇਲੀਅਨ ਭੇਜਿਆ ਜਦਕਿ ਅਗਲੇ ਓਵਰ ਵਿਚ ਮਿਲਰ ਨੇ ਬਾਬਰ ਨੂੰ ਰਨ ਆਊਟ ਕੀਤਾ| ਸ਼ੋਇਬ ਮਲਿਕ ਨੇ 31 ਗੇਂਦਾਂ ਵਿਚ 49 ਦੌੜਾਂ ਬਣਾਈਆਂ ਪਰ ਆਖਰੀ ਓਵਰ ਦੀ ਤੀਜੀ ਗੇਂਦ ਤੇ ਆਊਟ ਹੋ ਗਏ|

Leave a Reply

Your email address will not be published. Required fields are marked *