ਫਿਲੀਪੀਨਜ਼ ਦੀ ਮਦਦ ਲਈ ਆਸਟ੍ਰੇਲੀਆ ਭੇਜੇਗਾ ਨਿਗਰਾਨੀ ਜਹਾਜ਼

ਸਿਡਨੀ, 23 ਜੂਨ (ਸ.ਬ.) ਇਸਲਾਮਿਕ ਅੱਤਵਾਦੀਆਂ ਨਾਲ ਲੜ ਰਹੇ ਫਿਲੀਪੀਨਜ਼ ਦੀ ਮਦਦ ਲਈ ਆਸਟ੍ਰੇਲੀਆ ਦੋ ਫੌਜੀ ਨਿਗਰਾਨੀ ਜਹਾਜ਼ ਭੇਜੇਗਾ| ਆਸਟ੍ਰੇਲੀਆ ਦੇ ਰੱਖਿਆ ਮੰਤਰੀ ਮੈਰਿਸ ਪਾਯਨੇ ਨੇ ਕਿਹਾ ਕਿ ਫਿਲੀਪੀਨਜ਼ ਸਰਕਾਰ ਨੇ ਆਪਣੇ ਹਥਿਆਰਬੰਦ ਬਲਾਂ ਨੂੰ ਨਿਗਰਾਨੀ ਸਹਾਇਤਾ ਪ੍ਰਦਾਨ ਕਰਨ ਲਈ ਦੋ ਆਸਟ੍ਰੇਲੀਆਈ ਏ. ਪੀ.-3 ਸੀ ਓਰੀਅਨ ਜਹਾਜ਼ ਦੀ ਆਸਟ੍ਰੇਲੀਆ ਦੀ ਪੇਸ਼ਕਸ਼ ਨੂੰ ਸਵੀਕਾਰ ਕਰ ਲਿਆ ਹੈ| ਫਿਲੀਪੀਨਜ਼ ਦੇ ਦੱਖਣੀ-ਸਾਬਕਾ ਮਾਰਾਵੀ ਵਿਚ ਸੁਰੱਖਿਆ ਬਲਾਂ ਅਤੇ ਬੀ. ਆਈ. ਐਫ. ਅੱਫ. ਅੱਤਵਾਦੀਆਂ ਦੇ ਵਿਚਕਾਰ 23 ਮਈ ਤੋਂ ਸੰਘਰਸ਼ ਜਾਰੀ ਹੈ| ਸੁਰੱਖਿਆ ਬਲਾਂ ਨੇ ਮੋਰੇ ਇਸਲਾਮਿਕ ਲਿਬਰੇਸ਼ਨ ਫਰੰਟ ਨਾਲ ਮਤਭੇਦਾਂ ਦੇ ਕਾਰਨ ਵੱਖ ਹੋਏ ਬੀ. ਆਈ. ਐਫ. ਐਫ. ਨੂੰ ਫਿਲੀਪੀਨਜ਼ ਦਾ ਇਕ ਬਾਗੀ ਸਮੂਹ ਕਰਾਰ ਦਿੱਤਾ ਹੈ| ਬੀ. ਆਈ. ਐਫ. ਐਫ. ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ ਦੇ ਸਮਰਥਕ ਹੈ| ਆਈ. ਐਸ. ਅਤੇ ਵਿਦੇਸ਼ੀ ਲੜਾਕਿਆਂ ਤੋਂ ਇਸ ਖੇਤਰ ਨੂੰ ਅੱਤਵਾਦ ਦੇ ਖਤਰੇ ਨੂੰ ਦੇਖਦੇ ਹੋਏ ਇਹ ਫੈਸਲਾ ਆਸਟ੍ਰੇਲੀਆ ਦੇ ਹਿੱਤ ਵਿਚ ਹੈ| ਅਧਿਕਾਰਤ ਅੰਕੜਿਆਂ ਦੇ ਮੁਤਾਬਕ ਮਾਰਾਵੀ ਤੇ ਕਬਜ਼ੇ ਨੂੰ ਲੈ ਕੇ ਚੱਲ ਰਹੇ ਸੰਘਰਸ਼ ਵਿਚ ਹੁਣ ਤੱਕ 369 ਵਿਅਕਤੀਆਂ ਦੀ ਮੌਤ ਹੋ ਗਈ| ਅਮਰੀਕਾ ਨੇ ਵੀ ਇਸ ਸ਼ਹਿਰ ਕੇ ਕੋਲ ਫੌਜੀਆਂ ਨੂੰ ਤਾਇਨਾਤ ਕੀਤਾ ਹੈ| ਹਾਲਾਂਕਿ ਉਹ ਉਥੇ ਨਹੀਂ ਲੜ ਰਹੇ ਹਨ ਪਰ ਸੰਘਰਸ਼ ਵਿਚ ਫਿਲੀਪੀਨਜ਼ ਦੀ ਸਹਾਇਤਾ ਲਈ ਇਕ ਪੀ-3 ਨਿਗਰਾਨੀ ਜਹਾਜ਼ ਵੀ ਪ੍ਰਦਾਨ ਕੀਤਾ ਗਿਆ ਹੈ|

Leave a Reply

Your email address will not be published. Required fields are marked *