ਮਲੇਸ਼ੀਆ ਦੇ ਨੌਜਵਾਨ ਮੰਤਰੀ ਬਣੇ ਸਾਦਿਕ, ਲੱਖਾਂ ਲੋਕ ਨੇ ਦੀਵਾਨੇ

ਕੁਆਲਾਲੰਪੁਰ, 24 ਜੁਲਾਈ (ਸ.ਬ.) ਸਿਆਸੀ ਪਾਰਟੀ ਵਿੱਚ ਜਦੋਂ ਕੋਈ ਨੌਜਵਾਨ ਚਿਹਰਾ ਆਉਂਦਾ ਹੈ, ਤਾਂ ਹਰ ਕੋਈ ਹੈਰਾਨੀ ਜ਼ਾਹਰ ਕਰਦਾ ਹੈ| ਮਲੇਸ਼ੀਆ ਦੇ ਮੰਤਰੀ ਸੈਯਦ ਸਾਦਿਕ ਇਨ੍ਹੀਂ ਦਿਨੀਂ ਦੁਨੀਆ ਭਰ ਵਿਚ ਸੁਰਖੀਆਂ ਵਿੱਚ ਹਨ| ਮਲੇਸ਼ੀਆ ਵਿੱਚ ਹਜ਼ਾਰਾਂ ਸਾਲਾਂ ਬਾਅਦ ਕਿਸੇ ਨੌਜਵਾਨ ਨੇ ਸਿਆਸਤ ਵਿੱਚ ਕਦਮ ਰੱਖਿਆ ਹੈ|
ਮਲੇਸ਼ੀਆ ਦੇ 92 ਸਾਲਾ ਪ੍ਰਧਾਨ ਮੰਤਰੀ ਮਹਾਤਿਰ ਮੁਹੰਮਦ ਨੇ ਇਸ ਮਹੀਨੇ ਆਪਣੀ ਕੈਬਨਿਟ ਦਾ ਵਿਸਥਾਰ ਕੀਤਾ ਹੈ, ਜਿਸ ਵਿੱਚ ਸਾਦਿਕ ਨੂੰ ਯੁਵਾ ਅਤੇ ਖੇਡ ਮੰਤਰੀ ਬਣਾਇਆ ਹੈ| ਮਹਜ 25 ਸਾਲ ਦੀ ਉਮਰ ਵਿਚ ਮੰਤਰੀ ਬਣੇ ਸਾਦਿਕ ਦੱਖਣੀ ਏਸ਼ੀਆ ਦੇ ਸਭ ਤੋਂ ਘੱਟ ਉਮਰ ਦੇ ਮੰਤਰੀ ਬਣ ਗਏ ਹਨ|
ਸਾਦਿਕ ਦੇ ਸੋਸ਼ਲ ਮੀਡੀਆ ਅਕਾਊਂਟਸ ਉਤੇ ਝਾਤ ਮਾਰੀਏ ਤਾਂ ਉਥੇ ਵੀ ਉਹ ਲੋਕਾਂ ਦੇ ਹਰਮਨ ਪਿਆਰੇ ਹਨ| ਇੰਸਟਾਗ੍ਰਾਮ ਉਤੇ ਉਨ੍ਹਾਂ ਦੇ 12 ਲੱਖ ਫਾਲੋਅਰਜ਼ ਹਨ, ਜਿੱਥੇ ਉਹ ਨਿੱਜੀ ਅਤੇ ਸਿਆਸੀ ਦੋਵੇਂ ਹੀ ਤਰ੍ਹਾਂ ਦੇ ਪੋਸਟ ਸਾਂਝੇ ਕਰਦੇ ਹਨ| ਬੀਤੀ 2 ਜੁਲਾਈ ਨੂੰ ਪ੍ਰਧਾਨ ਮੰਤਰੀ ਮਹਾਤਿਰ ਨੇ ਆਪਣੀ ਕੈਬਨਿਟ ਮੰਤਰੀਆਂ ਦੀ ਗਿਣਤੀ ਪੂਰੀ ਕੀਤੀ| ਸਾਦਿਕ ਆਪਣੇ ਦੇਸ਼ ਵਿੱਚ ਨੌਜਵਾਨਾਂ ਲਈ ਪ੍ਰਰੇਣਾ ਸਰੋਤ ਬਣ ਗਏ ਹਨ| ਉਨ੍ਹਾਂ ਨੇ ਸਿਆਸਤ ਵਿਚ ਸ਼ਾਮਲ ਹੋਣ ਲਈ ਆਕਸਫੋਰਡ ਸਕਾਲਰਸ਼ਿਪ ਨੂੰ ਵੀ ਠੁਕਰਾ ਦਿੱਤਾ|

Leave a Reply

Your email address will not be published. Required fields are marked *