ਵਾਸ਼ਿੰਗਟਨ ਵਿੱਚ ਇੱਕ ਆਲੀਸ਼ਾਨ ਘਰ ਵਿੱਚ ਰਹਿਣਗੇ ਬਰਾਕ ਓਬਾਮਾ

ਵਾਸ਼ਿੰਗਟਨ, 1ਜੂਨ (ਸ.ਬ.) ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਅਤੇ ਉਨ੍ਹਾਂ ਦੀ ਪਤਨੀ ਮਿਸ਼ੇਲ ਨੇ ਵ੍ਹਾਈਟ ਛੱਡਣ ਤੋਂ ਬਾਅਦ ਸ਼ੁਰੂ ਵਿੱਚ ਵਾਸ਼ਿੰਗਟਨ ਵਿੱਚ ਹੀ ਰੁੱਕਣ ਦਾ ਫੈਸਲਾ ਕੀਤਾ ਸੀ, ਤਾਂ ਕਿ ਉਨ੍ਹਾਂ ਦੀ ਬੇਟੀ ਸਾਸ਼ਾ ਆਪਣੀ ਹਾਈ ਸਕੂਲ ਦੀ ਪੜ੍ਹਾਈ ਕਰ ਸਕੇ ਪਰ ਹੁਣ ਅਮਰੀਕਾ ਦੀ ਰਾਜਧਾਨੀ ਵਿੱਚ ਵਾਸ਼ਿੰਗਟਨ ਵਿੱਚ ਉਨ੍ਹਾਂ ਦੀ ਮੌਜੂਦਗੀ ਸਥਾਈ ਹੋਣ ਵਾਲੀ ਹੈ|
ਇਕ ਰਿਪੋਰਟ ਮੁਤਾਬਕ ਓਬਾਮਾ ਪਤੀ-ਪਤਨੀ ਨੇ ਵਾਸ਼ਿੰਗਟਨ ਦੇ ਕੈਲੋਰਾਮਾ ਇਲਾਕੇ ਵਿਚ ਇਕ ਆਲੀਸ਼ਾਨ ਘਰ ਲਈ 81 ਲੱਖ ਡਾਲਰ ਅਦਾ ਕੀਤੇ ਹਨ| 8 ਕਮਰਿਆਂ ਵਾਲਾ ਇਹ ਘਰ ਉਸੇ ਇਲਾਕੇ ਵਿਚ ਹੈ, ਜਿੱਥੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਬੇਟੀ ਇਵਾਂਕਾ ਅਤੇ ਉਨ੍ਹਾਂ ਦੇ ਪਤੀ ਕੁਸ਼ਨਰ ਰਹਿੰਦੇ ਹਨ| ਕੈਲੋਰਾਮਾ ਦੇ ਹੋਰ ਵਾਸੀਆਂ ਵਿਚ ਵਿਦੇਸ਼ ਮੰਤਰੀ ਰੈਕਸ ਟਿਲਰਸਨ ਅਤੇ ਅਮੇਜ਼ਨ ਦੇ ਸੰਸਥਾਪਕ ਜੇਫ ਬੇਜੋਸ ਸ਼ਾਮਲ ਹਨ| ਬੇਜੋਸ ‘ਵਾਸ਼ਿੰਗਟਨ ਪੋਸਟ’ ਦੇ ਵੀ ਮਾਲਕ ਹਨ| ਓਬਾਮਾ ਦੇ ਬੁਲਾਰੇ ਨੇ ਦੱਸਿਆ ਬਰਾਕ ਓਬਾਮਾ ਅਤੇ ਉਨ੍ਹਾਂ ਦੀ ਪਤਨੀ ਮਿਸ਼ੇਲ ਓਬਾਮਾ ਅਜੇ ਵਾਸ਼ਿੰਗਟਨ ਵਿਚ ਘੱਟੋ-ਘੱਟ ਢਾਈ ਸਾਲ ਹੋਰ ਰਹਿਣਗੇ ਇਸ ਲਈ ਕਿਸੇ ਕਿਰਾਏ ਦੇ ਘਰ ਵਿੱਚ ਰਹਿਣ ਦੀ ਬਜਾਏ ਕੋਈ ਘਰ ਖਰੀਦਣਾ ਉਨ੍ਹਾਂ ਲਈ ਬਿਹਤਰ ਸੀ|

Leave a Reply

Your email address will not be published. Required fields are marked *