ਹਾਂਗਕਾਂਗ ਦੀ ਵਿਰੋਧੀ ਧਿਰ ਦੇ ਸੰਸਦ ਮੈਂਬਰ ਟੇਡ ਹੂਈ ਗ੍ਰਿਫਤਾਰ


ਹਾਂਗਕਾਂਗ, 3 ਨਵੰਬਰ (ਸ.ਬ.) ਹਾਂਗਕਾਂਗ ਦੀ ਡੈਮੋਕ੍ਰੈਟਿਕ ਪਾਰਟੀ ਦੇ ਸੰਸਦ ਮੈਂਬਰ ਟੇਡ ਹੂਈ ਨੂੰ ਮਈ ਵਿਚ ਹੋਈ ਅਸ਼ਾਂਤ ਵਿਧਾਨ ਸਭਾ ਦੀ ਮੀਟਿੰਗ ਲਈ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜੋ ਰੌਲਾ ਪਾਉਣ ਅਤੇ ਭੜਾਸ ਕੱਢਣ ਲਈ ਹੱਥੋਪਾਈ ਤੇ ਉਤਰ ਆਇਆ ਸੀ| ਇਸ ਤੋਂ ਇਲਾਵਾ ਸੱਤ ਜਨ ਵਿਰੋਧੀ ਨੇਤਾਵਾਂ ਅਤੇ ਕਾਰਕੁੰਨਾਂ ਨੂੰ ਪਹਿਲਾਂ ਹੀ ਹਿਰਾਸਤ ਵਿਚ ਲਿਆ ਜਾ ਚੁੱਕਾ ਹੈ| ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਨੇ ਡੈਮੋਕ੍ਰੈਟਿਕ ਪਾਰਟੀ ਦੇ ਹਵਾਲੇ ਨਾਲ ਕਿਹਾ ਕਿ ਜਦੋਂ ਉਹ ਪੱਛਮੀ ਪੁਲੀਸ ਸਟੇਸ਼ਨ ਨੂੰ ਇਕ ਵੱਖਰੇ ਮਾਮਲੇ ਦੀ ਸੂਚਨਾ ਦੇ ਰਿਹਾ ਸੀ ਉਦੋਂ ਉਸ ਨੂੰ ਫੜਿਆ ਗਿਆ ਸੀ|
ਉਸ ਉੱਤੇ ਲੈਗੋ (ਸ਼ਕਤੀਆਂ ਅਤੇ ਅਧਿਕਾਰਾਂ) ਆਰਡੀਨੈਂਸ ਤਹਿਤ ਦੋ ਅਪਰਾਧ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ, ਜਿਹਨਾਂ ਵਿਚ ਵਿਧਾਇਕਾਂ ਦੇ ਅਧਿਕਾਰੀਆਂ ਨਾਲ ਨਫ਼ਰਤ ਅਤੇ ਦਖਲਅੰਦਾਜ਼ੀ ਸਾਮਲ ਹੈ| ਐਤਵਾਰ ਨੂੰ ਸੱਤ ਲੋਕਤੰਤਰੀ ਸੰਸਦ ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ| ਇਹਨਾਂ ਵਿਚ ਵੂ ਚੀ-ਵਾਈ, ਹੇਲੇਨਾ ਵੋਂਗ ਪਿਕ-ਵਾਨ ਅਤੇ ਐਂਡਰਿਊ ਵਾਨ ਸਿਉਕਿਨ, ਲੇਬਰ ਪਾਰਟੀ ਦੇ ਚੇਅਰਮੈਨ ਕੋਵਕ ਵਿੰਗ-ਕਿਨ, ਸੰਸਦ ਮੈਂਬਰ ਫਰਨਾਂਡੋ ਚੇਂਗ ਚੀਉ-ਹੰਗ ਅਤੇ ਸਾਬਕਾ ਸੰਸਦ ਮੈਂਬਰ ਐਡੀ ਚੂ ਹੋਈ-ਡਿਕ ਅਤੇ ਰੇਮੰਡ ਚੈਨ ਚੀ-ਚੁਏਨ ਸ਼ਾਮਲ ਸਨ|
ਹਾਂਗਕਾਂਗ ਦੇ ਫ੍ਰੀ ਪ੍ਰੈਸ ਨੇ ਦੱਸਿਆ ਕਿ ਲੋਕਤੰਤਰ ਪੱਖੀ ਕੈਂਪ ਨੇ ਮਈ ਵਿਚ ਵਿਵਾਦਮਈ ਹਾਊਸ ਕਮੇਟੀ ਦੇ ਸੈਸ਼ਨ ਦੌਰਾਨ ਸੰਸਦ ਮੈਂਬਰਾਂ ਦੀ ਗ੍ਰਿਫ਼ਤਾਰੀ ਦੀ ਨਿੰਦਾ ਕੀਤੀ ਹੈ| ਹਾਂਗਕਾਂਗ ਤੇ ਬੀਜਿੰਗ ਦੁਆਰਾ ਲਗਾਇਆ ਗਿਆ ਰਾਸ਼ਟਰੀ ਸੁੱਰਖਿਆ ਕਾਨੂੰਨ ਕਿਸੇ ਵੀ ਤਰਾਂ ਦੇ ਵੱਖਵਾਦ (ਚੀਨ ਤੋਂ ਵੱਖ ਹੋਣਾ), ਭੰਨ-ਤੋੜ (ਕੇਂਦਰੀ ਸਰਕਾਰ ਦੀ ਤਾਕਤ ਜਾਂ ਅਧਿਕਾਰ ਨੂੰ ਕਮਜ਼ੋਰ ਕਰਨਾ), ਅੱਤਵਾਦ ਅਤੇ ਵਿਦੇਸ਼ੀ ਤਾਕਤਾਂ ਨਾਲ ਮਿਲੀਭੁਗਤ ਦੇ ਲਈ ਜੇਲ੍ਹ ਵਿਚ ਉਮਰ ਕੈਦ ਤੱਕ ਦੀ ਸਜਾ ਦਿੰਦਾ ਹੈ| ਇਹ 1 ਜੁਲਾਈ ਤੋਂ ਲਾਗੂ ਹੋ ਗਿਆ ਹੈ|

Leave a Reply

Your email address will not be published. Required fields are marked *