ਜ਼ਹਿਰੀਲਾ ਪਦਾਰਥ ਖਾਣ ਨਾਲ ਸਪਾ ਨੇਤਾ ਦੀ ਮੌਤ

ਕੰਨੌਜ, 13 ਨਵੰਬਰ (ਸ.ਬ.) ਕੰਨੌਜ ਵਿੱਚ ਸਮਾਜਵਾਦੀ ਲੋਹੀਆ ਵਾਹਿਨੀ ਦੇ ਸਾਬਕਾ ਨਗਰ ਪ੍ਰਧਾਨ ਅਰੁਣ ਯਾਦਵ ਨੇ ਸ਼ੱਕੀ ਹਾਲਾਤਾਂ ਵਿੱਚ ਜ਼ਹਿਰੀਲਾ ਪਦਾਰਥ ਖਾ ਲਿਆ| ਜਿਸ ਦੇ ਬਾਅਦ ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ| ਪਰਿਵਾਰਕ ਮੈਬਰਾਂ ਨੇ ਪਾਰਟੀ ਦੇ ਵਰਕਰਾਂ ਤੇ ਹੀ ਆਤਮ-ਹੱਤਿਆ ਲਈ ਦਬਾਅ ਬਣਾਉਣ ਦਾ ਦੋਸ਼ ਲਗਾਇਆ ਹੈ|
ਮਾਮਲਾ ਗੁਰਸਹਾਏਗੰਜ ਕੋਤਵਾਲੀ ਇਲਾਕੇ ਦੇ ਸੁਭਾਸ਼ ਨਗਰ ਦਾ ਹੈ| ਜਿੱਥੇ ਇਮਾਇਲਪੁਰ ਪਿੰਡ ਦੇ ਰਹਿਣ ਵਾਲੇ ਸਮਾਜਵਾਦੀ ਲੋਹੀਆ ਵਾਹਿਨੀ ਦੇ ਸਾਬਕਾ ਨਗਰ ਪ੍ਰਧਾਨ ਅਰੁਣ ਕੁਮਾਰ ਯਾਦਵ ਦੀ ਜ਼ਹਿਰੀਲਾ ਪਦਾਰਥ ਖਾਣ ਦੇ ਬਾਅਦ ਤਬੀਅਤ ਵਿਗੜ ਗਈ| ਪਰਿਵਾਰਕ ਮੈਬਰਾਂ ਅਤੇ ਸਾਥੀਆਂ ਨੇ ਉਨ੍ਹਾਂ ਨੂੰ ਤੁਰੰਤ ਨਿੱਜੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ, ਜਿੱਥੇ ਤੋਂ ਹਾਲਤ ਗੰਭੀਰ ਦੇਖਦੇ ਹੋਏ ਡਾਕਟਰਾਂ ਨੇ ਫਰੁਖਾਬਾਦ ਲਈ ਰੈਫਰ ਕਰ ਦਿੱਤਾ ਪਰ ਰਸਤੇ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ| ਮੌਤ ਦੀ ਸੂਚਨਾ ਮਿਲਦੇ ਹੀ ਘਰ ਵਿੱਚ ਹਲਚਲ ਮਚ ਗਈ| ਅਰੁਣ ਦੀ ਪਤਨੀ ਪੂਜਾ ਯਾਦਵ ਦਾ ਕਹਿਣਾ ਹੈ ਕਿ ਨਗਰ ਪਾਲਿਕਾ ਪਰਿਸ਼ਦ ਦੇ ਪ੍ਰਧਾਨ ਅਹੁਦੇ ਦੀਆਂ ਚੋਣਾਂ ਦੌਰਾਨ ਸਪਾ ਦੇ ਘੋਸ਼ਿਤ ਉਮੀਦਵਾਰ ਇੰਦਰ ਕੁਮਾਰ ਗੁਪਤਾ ਨੇ ਦੁਸ਼ਮਣੀ ਨੂੰ ਲੈ ਕੇ ਧੀਰਜ ਗੁਪਤਾ ਨੇ ਕੁੱਟਮਾਰ ਕੀਤੀ| ਜਿਸ ਦੇ ਬਾਅਦ ਪੁਲੀਸ ਨੂੰ ਸੂਚਨਾ ਦੇ ਕੇ ਕੋਤਵਾਲੀ ਵਿੱਚ ਅਰੁਣ ਨੂੰ ਬੰਦ ਕਰਵਾ ਦਿੱਤਾ| ਇਸ ਘਟਨਾ ਦੇ ਬਾਅਦ ਅਰੁਣ ਬਹੁਤ ਸਦਮੇ ਵਿੱਚ ਸੀ| ਪੀਲਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ| ਅਰੁਣ ਦੇ ਪਰਿਵਾਰਕ ਮੈਬਰਾਂ ਨੇ ਪੁਲੀਸ ਵਿੱਚ ਦੋਸ਼ੀਆਂ ਖਿਲਾਫ ਸ਼ਿਕਾਇਤ ਦਿੱਤੀ ਹੈ| ਪੁਲੀਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ|

Leave a Reply

Your email address will not be published. Required fields are marked *