ਬਦਮਿਜਾਜ਼ ਅਤੇ ਘਮੰਡੀ ਹੁੰਦੇ ਹਨ ਪੈਰਿਸਵਾਸੀ: ਅਧਿਐਨ

ਲੰਦਨ, 3 ਮਾਰਚ (ਸ.ਬ.) ਫਰਾਂਸ ਦੇ ਲੋਕਾਂ ਦੇ ਤੌਰ ਤਰੀਕੇ ਭਾਵੇਂ ਹੀ ਨਾਜੁਕ ਮੰਨੇ ਜਾਂਦੇ ਹਨ ਪਰ ਇੱਕ ਸਰਵੇ ਦਾ ਕਹਿਣਾ ਹੈ ਕਿ ਪੈਰਿਸ ਵਾਸੀਆਂ ਦਾ ਵਿਵਹਾਰ ਘਮੰਡੀ ਅਤੇ ਬਦਮਿਜਾਜ਼ੀ ਵਾਲਾ ਹੁੰਦਾ ਹੈ। ਰਿਪੋਰਟ ਅਨੁਸਾਰ ਪੈਰਿਸ ਤੋਂ ਬਾਹਰ ਰਹਿਣ ਵਾਲੇ ਲੋਕਾਂ ਦੇ ਇੱਕ ਸਰਵੇਖਣ ਵਿੱਚ ਸ਼ਾਮਿਲ 70 ਫੀਸਦੀ ਲੋਕਾਂ ਦਾ ਮੰਨਣਾ ਹੈ ਕਿ ਪੈਰਿਸ ਵਾਸੀ ਅਤੇ ਫ੍ਰਾਂਸੀਸੀ ਲੋਕ ਉਮੀਦ ਤੋਂ ਵੱਧ ਬਦਮਿਜਾਜ਼ ਹੁੰਦੇ ਹਨ ਜਦੋਂ ਕਿ 65 ਫੀਸਦੀ ਨੇ ਕਿਹਾ ਕਿ ਪੈਰਿਸ ਵਾਸੀਆਂ ਦਾ ਵਿਵਹਾਰ ਜ਼ਿਆਦਾ ਘਮੰਡੀ ਹੁੰਦਾ ਹੈ।
ਹਾਲਾਂਕਿ ਕਈ ਫ੍ਰਾਂਸੀਸੀਆਂ ਨੇ ਕਿਹਾ ਕਿ ਉਹ ਨਹੀਂ ਸਮਝਦੇ ਕਿ ਇਹ ਸਾਰੀਆਂ ਵਿਸ਼ੇਸ਼ਤਾਈਆਂ ਨਕਾਰਤਮਕ ਹਨ। ਇਨ੍ਹਾਂ ਵਿਚੋਂ 68 ਫੀਸਦੀ ਲੋਕਾਂ ਦੀ ਆਪਣੇ ਦੇਸ਼ਵਾਸੀਆਂ ਦੇ ਪ੍ਰਤੀ ਚੰਗੀ ਰਾਏ ਰਹੀ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਪੈਰਿਸਵਾਸੀ ਬਹੁਤ ਜ਼ਿਆਦਾ ਤਣਾਅ ਵਿਚ ਸਖਤ ਮਿਹਨਤ ਕਰਦੇ ਹਨ ਅਤੇ ਹੋਰ ਲੋਕਾਂ ਦੀ ਤੁਲਨਾ ਵਿੱਚ ਉਨ੍ਹਾਂ ਦੇ ਘਰ ਅਤੇ ਦਫਤਰ ਵਿਚਾਲੇ ਕਾਫੀ ਦੂਰੀ ਹੁੰਦੀ ਹੈ ਜਿਸ ਕਾਰਨ ਉਹ ਇੱਕ ਦੂਜੇ ਅਤੇ ਹੋਰ ਲੋਕਾਂ ਦੇ ਪ੍ਰਤੀ ਕੌੜੇ ਹੁੰਦੇ ਹਨ ਇਹ ਸਰਵੇਖਣ ਕਰੀਬ ਇੱਕ ਹਜਾਰ ਲੋਕਾਂ ਤੇ ਕਰਵਾਇਆ ਗਿਆ।