Connect with us

National

ਦਰੱਖਤ ਨਾਲ ਕਾਰ ਟਕਰਾਉਣ ਕਾਰਨ ਦੋ ਬੱਚਿਆਂ ਸਮੇਤ ਚਾਰ ਵਿਅਕਤੀਆਂ ਦੀ ਮੌਤ, ਤਿੰਨ ਜ਼ਖ਼ਮੀ

Published

on

 

ਬਿਜਨੌਰ, 23 ਨਵੰਬਰ (ਸ.ਬ.) ਬਿਜਨੌਰ ਜ਼ਿਲ੍ਹੇ ਦੇ ਨਹਤੌਰ ਵਿੱਚ ਤੇਜ਼ ਰਫ਼ਤਾਰ ਸਕਾਰਪੀਓ ਬੇਕਾਬੂ ਹੋ ਕੇ ਦਰੱਖਤ ਨਾਲ ਟਕਰਾ ਗਈ। ਇਸ ਘਟਨਾ ਵਿੱਚ ਇੱਕੋ ਪਰਿਵਾਰ ਦੇ ਦੋ ਬੱਚਿਆਂ ਅਤੇ ਦੋ ਔਰਤਾਂ ਦੀ ਮੌਤ ਹੋ ਗਈ ਜਦਕਿ ਤਿੰਨ ਵਿਅਕਤੀ ਜ਼ਖ਼ਮੀ ਹੋ ਗਏ। ਪੁਲੀਸ ਨੇ ਜ਼ਖਮੀਆਂ ਨੂੰ ਹਸਪਤਾਲ ਦਾਖਲ ਕਰਵਾਇਆ। ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ।

ਬੀਤੀ ਰਾਤ ਥਾਣਾ ਖੇਤਰ ਦੇ ਪਿੰਡ ਨਸੀਰਪੁਰ ਦੇ ਰਹਿਣ ਵਾਲੇ ਸੁਲਤਾਨ ਆਪਣੀ ਪਤਨੀ ਗੁਲਫਸਾ, ਬੇਟੀ ਅਨਾਦੀਆ, ਅਲੀਸ਼ਾ, ਬੇਟੇ ਸ਼ਾਦ, ਭੈਣ ਚੰਦ ਬਾਨੋ ਅਤੇ ਭਤੀਜੀ ਅਦੀਬਾ ਨਜੀਬਾਬਾਦ ਥਾਣਾ ਖੇਤਰ ਵਿੱਚ ਮੇਲਾ ਦੇਖਣ ਗਈਆਂ ਸਨ। ਉਹ ਰਾਤ ਕਰੀਬ 11 ਵਜੇ ਘਰ ਪਰਤ ਰਿਹਾ ਸੀ। ਇਸ ਦੌਰਾਨ ਪਰਿਵਾਰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ।

ਨਹਤੌਰ ਕੋਤਵਾਲੀ ਰੋਡ ਤੇ ਆਕਸਫੋਰਡ ਸਕੂਲ ਨੇੜੇ ਉਸ ਦੀ ਤੇਜ਼ ਰਫ਼ਤਾਰ ਸਕਾਰਪੀਓ ਕਾਰ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਖੜ੍ਹੇ ਦਰੱਖਤ ਨਾਲ ਟਕਰਾ ਗਈ। ਹਾਦਸੇ ਵਿੱਚ ਸੁਲਤਾਨ ਦੀ ਪਤਨੀ ਗੁਲਾਫਸਾ, ਦੋ ਬੇਟੀਆਂ ਅਨਾਦੀਆ, ਅਲੀਸ਼ਾ ਅਤੇ ਭੈਣ ਚਾਂਦ ਬਾਨੋ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਜਦਕਿ ਸੁਲਤਾਨ, ਉਸ ਦਾ ਬੇਟਾ ਸ਼ਾਦ ਅਤੇ ਭਤੀਜੀ ਅਦੀਬਾ ਜ਼ਖਮੀ ਹੋ ਗਏ।

ਸੂਚਨਾ ਮਿਲਣ ਤੇ ਮੌਕੇ ਤੇ ਪਹੁੰਚੀ ਪੁਲੀਸ ਨੇ ਜ਼ਖਮੀਆਂ ਨੂੰ ਸੀ.ਐਚ.ਸੀ. ਦਾਖਲ ਕਰਵਾਇਆ, ਜਿੱਥੋਂ ਮੁੱਢਲੀ ਸਹਾਇਤਾ ਤੋਂ ਬਾਅਦ ਤਿੰਨਾਂ ਨੂੰ ਜ਼ਿਲਾ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ। ਪੁਲੀਸ ਨੇ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।

Continue Reading

National

ਤੂੜੀ ਦੇ ਢੇਰ ਵਿੱਚ ਅੱਗ ਲੱਗਣ ਕਾਰਨ ਚਾਰ ਬੱਚੇ ਜ਼ਿੰਦਾ ਸੜੇ

Published

on

By

 

ਝਾਰਖੰਡ, 17 ਮਾਰਚ (ਸ.ਬ.) ਝਾਰਖੰਡ ਦੇ ਪੱਛਮੀ ਸਿੰਘਭੂਮ ਜ਼ਿਲ੍ਹੇ ਵਿੱਚ ਅੱਜ ਇੱਕ ਘਰ ਦੇ ਨੇੜੇ ਤੂੜੀ ਦੇ ਢੇਰ ਨੂੰ ਅੱਗ ਲੱਗਣ ਕਾਰਨ ਚਾਰ ਬੱਚੇ ਸੜ ਕੇ ਮਰ ਗਏ। ਪੁਲੀਸ ਨੇ ਇਹ ਜਾਣਕਾਰੀ ਦਿੱਤੀ। ਪੁਲੀਸ ਅਨੁਸਾਰ ਇਹ ਘਟਨਾ ਸਵੇਰੇ 11 ਵਜੇ ਦੇ ਕਰੀਬ ਚਾਈਬਾਸਾ ਦੇ ਜਗਨਨਾਥਪੁਰ ਥਾਣਾ ਖੇਤਰ ਦੇ ਗਿਟੀਲਿਪੀ ਪਿੰਡ ਵਿੱਚ ਵਾਪਰੀ।

ਪੁਲੀਸ ਸੁਪਰਡੈਂਟ ਆਸ਼ੂਤੋਸ਼ ਸ਼ੇਖਰ ਨੇ ਦੱਸਿਆ ਕਿ ਘਟਨਾ ਦੀ ਵਿਸਥਾਰਤ ਜਾਂਚ ਕਰਨ ਲਈ ਇੱਕ ਟੀਮ ਮੌਕੇ ਤੇ ਭੇਜੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਅੱਗ ਲੱਗੀ ਤਾਂ ਬੱਚੇ ਘਾਹ ਦੇ ਢੇਰ ਕੋਲ ਖੇਡ ਰਹੇ ਸਨ। ਬੱਚੇ ਅੱਗ ਵਿੱਚ ਫਸ ਗਏ। ਬੱਚਿਆਂ ਦੀ ਮੌਤ ਅੱਗ ਵਿੱਚ ਸੜਨ ਕਾਰਨ ਹੋਈ। ਪੁਲੀਸ ਸੁਪਰਡੈਂਟ ਦੇ ਅਨੁਸਾਰ, ਅੱਗ ਲੱਗਣ ਦੇ ਸਹੀ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।

 

Continue Reading

National

ਮੁੰਬਈ ਹਵਾਈ ਅੱਡੇ ਤੇ 8.47 ਕਰੋੜ ਰੁਪਏ ਦਾ ਸੋਨਾ ਬਰਾਮਦ, ਪੰਜ ਵਿਅਕਤੀ ਗ੍ਰਿਫ਼ਤਾਰ

Published

on

By

 

ਮੁੰਬਈ, 17 ਮਾਰਚ (ਸ.ਬ.) ਮੁੰਬਈ ਕਸਟਮ ਵਿਭਾਗ ਨੇ ਇੱਥੇ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਚਾਰ ਕਾਰਵਾਈਆਂ ਦੌਰਾਨ ਤਿੰਨ ਨਿੱਜੀ ਹਵਾਈ ਅੱਡੇ ਦੇ ਕਰਮਚਾਰੀਆਂ ਸਮੇਤ ਪੰਜ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਅਤੇ ਲਗਭਗ 8.47 ਕਰੋੜ ਰੁਪਏ ਦੀ ਕੀਮਤ ਦਾ 10 ਕਿਲੋਗ੍ਰਾਮ ਤੋਂ ਵੱਧ ਸੋਨਾ ਜ਼ਬਤ ਕੀਤਾ ਹੈ। ਅਧਿਕਾਰੀਆਂ ਨੇ ਅੱਜ ਇਹ ਜਾਣਕਾਰੀ ਦਿੱਤੀ।

ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਜ਼ਬਤੀਆਂ 13 ਤੋਂ 15 ਮਾਰਚ ਦੇ ਵਿਚਕਾਰ ਕੀਤੀਆਂ ਗਈਆਂ ਸਨ। ਕੁਝ ਮੁਲਜ਼ਮਾਂ ਨੇ ਇਹ ਸੋਨਾ ਆਪਣੇ ਕੱਪੜਿਆਂ ਅਤੇ ਅੰਡਰਵੀਅਰ ਵਿੱਚ ਲੁਕਾਇਆ ਹੋਇਆ ਸੀ।

ਇਸ ਕਾਰਵਾਈ ਦੇ ਵੇਰਵੇ ਦਿੰਦੇ ਹੋਏ, ਇੱਕ ਕਸਟਮ ਅਧਿਕਾਰੀ ਨੇ ਕਿਹਾ ਕਿ ਇੱਕ ਨਿੱਜੀ ਕਰਮਚਾਰੀ ਨੂੰ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਰੋਕਿਆ ਗਿਆ ਅਤੇ ਉਸਦੀ ਪੈਂਟ ਦੀਆਂ ਜੇਬਾਂ ਵਿੱਚੋਂ ਛੇ ਅੰਡਾਕਾਰ ਆਕਾਰ ਦੇ ਕੈਪਸੂਲ ਮਿਲੇ। ਇਨ੍ਹਾਂ ਕੈਪਸੂਲਾਂ ਵਿੱਚ ਮੋਮ ਦੇ ਰੂਪ ਵਿੱਚ 2.8 ਕਿਲੋਗ੍ਰਾਮ 24-ਕੈਰੇਟ ਸੋਨੇ ਦਾ ਪਾਊਡਰ ਸੀ, ਅਤੇ ਇਸਦੀ ਕੀਮਤ 2.27 ਕਰੋੜ ਰੁਪਏ ਸੀ।

ਅਧਿਕਾਰੀ ਨੇ ਦੱਸਿਆ ਕਿ ਬਰਾਮਦਗੀ ਤੋਂ ਬਾਅਦ, ਵਿਅਕਤੀ ਨੂੰ ਕਸਟਮ ਐਕਟ ਦੇ ਤਹਿਤ ਗ੍ਰਿਫਤਾਰ ਕਰ ਲਿਆ ਗਿਆ। ਅਧਿਕਾਰੀਆਂ ਦੇ ਅਨੁਸਾਰ, ਦੂਜੀ ਜ਼ਬਤੀ ਉਦੋਂ ਹੋਈ ਜਦੋਂ ਅੰਤਰਰਾਸ਼ਟਰੀ ਰਵਾਨਗੀ ਖੇਤਰ ਵਿੱਚ ਕੰਮ ਕਰਨ ਵਾਲੇ ਇੱਕ ਹੋਰ ਨਿੱਜੀ ਕਰਮਚਾਰੀ ਨੂੰ ਰੋਕਿਆ ਗਿਆ।

ਅਧਿਕਾਰੀ ਨੇ ਦੱਸਿਆ ਕਿ ਕਸਟਮ ਅਧਿਕਾਰੀਆਂ ਨੂੰ ਮੋਮ ਦੇ ਰੂਪ ਵਿੱਚ 2.9 ਕਿਲੋਗ੍ਰਾਮ ਸ਼ੁੱਧ ਸੋਨੇ ਦਾ ਪਾਊਡਰ ਮਿਲਿਆ, ਜਿਸਦੀ ਕੀਮਤ 2.36 ਕਰੋੜ ਰੁਪਏ ਹੈ। ਇਹ ਸੋਨਾ ਸੱਤ ਅੰਡਾਕਾਰ ਕੈਪਸੂਲਾਂ ਵਿੱਚ ਰੱਖਿਆ ਗਿਆ ਸੀ ਅਤੇ ਆਦਮੀ ਦੇ ਅੰਡਰਵੀਅਰ ਵਿੱਚ ਲੁਕਾਇਆ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਬਰਾਮਦਗੀ ਤੋਂ ਬਾਅਦ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।

ਇਸ ਤੋਂ ਬਾਅਦ, ਤੀਜੀ ਕਾਰਵਾਈ ਦੌਰਾਨ, ਹਵਾਈ ਅੱਡੇ ਤੇ ਇੱਕ ਹੋਰ ਨਿੱਜੀ ਕਰਮਚਾਰੀ ਨੂੰ ਫੜਿਆ ਗਿਆ ਅਤੇ ਉਸਦੇ ਅੰਡਰਵੀਅਰ ਵਿੱਚ ਮੋਮ ਦੇ ਰੂਪ ਵਿੱਚ ਛੁਪਾਏ ਗਏ 1.6 ਕਿਲੋਗ੍ਰਾਮ 24 ਕੈਰੇਟ ਸੋਨੇ ਦੇ ਪਾਊਡਰ ਵਾਲੇ ਦੋ ਪੈਕੇਟ ਬਰਾਮਦ ਕੀਤੇ ਗਏ, ਜਿਨ੍ਹਾਂ ਦੀ ਕੀਮਤ 1.31 ਕਰੋੜ ਰੁਪਏ ਸੀ। ਅਧਿਕਾਰੀ ਨੇ ਦੱਸਿਆ ਕਿ ਜਾਂਚ ਤੋਂ ਬਾਅਦ, ਕਰਮਚਾਰੀ ਅਤੇ ਦੋ ਹੋਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।

ਇੱਕ ਹੋਰ ਮਾਮਲੇ ਵਿੱਚ, ਇੱਕ ਅੰਤਰਰਾਸ਼ਟਰੀ ਉਡਾਣ ਦੇ ਟਾਇਲਟ ਅਤੇ ਪੈਂਟਰੀ ਵਿੱਚ ਕੂੜੇ ਦੇ ਥੈਲਿਆਂ ਦੀ ਤਲਾਸ਼ੀ ਲੈਂਦੇ ਹੋਏ, ਗਾਹਕ ਸੇਵਾ ਅਧਿਕਾਰੀਆਂ ਨੂੰ ਦੋ ਕਾਲੇ ਰੰਗ ਦੇ ਬੈਗ ਮਿਲੇ ਜਿਨ੍ਹਾਂ ਵਿੱਚ ਮੋਮ ਦੇ ਰੂਪ ਵਿੱਚ 3.1 ਕਿਲੋਗ੍ਰਾਮ ਸ਼ੁੱਧ ਸੋਨੇ ਦਾ ਪਾਊਡਰ ਸੀ, ਜਿਸਦੀ ਕੀਮਤ 2.53 ਕਰੋੜ ਰੁਪਏ ਸੀ, ਉਸਨੇ ਕਿਹਾ।ਅਧਿਕਾਰੀ ਨੇ ਕਿਹਾ ਕਿ ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।

 

Continue Reading

National

ਸਾਬਕਾ ਕੇਂਦਰੀ ਮੰਤਰੀ ਡਾ. ਦੇਵੇਂਦਰ ਪ੍ਰਧਾਨ ਦਾ ਦਿਹਾਂਤ

Published

on

By

 

ਨਵੀਂ ਦਿੱਲੀ, 17 ਮਾਰਚ (ਸ.ਬ.) ਕੇਂਦਰ ਸਰਕਾਰ ਵਿੱਚ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਦੇ ਪਿਤਾ ਦੇਵੇਂਦਰ ਪ੍ਰਧਾਨ ਦਾ ਅੱਜ ਸਵੇਰੇ 10:30 ਵਜੇ ਦਿੱਲੀ ਦੇ ਏਮਜ਼ ਹਸਪਤਾਲ ਵਿੱਚ ਦਿਹਾਂਤ ਹੋ ਗਿਆ। ਉਹ 83 ਸਾਲ ਦੇ ਸਨ। ਜ਼ਿਕਰਯੋਗ ਹੈ ਕਿ ਦੇਵੇਂਦਰ ਪ੍ਰਧਾਨ ਅਟਲ ਬਿਹਾਰੀ ਵਾਜਪਾਈ ਦੀ ਸਰਕਾਰ ਵਿੱਚ ਟਰਾਂਸਪੋਰਟ ਮੰਤਰੀ ਸਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਸਪਤਾਲ ਪਹੁੰਚ ਕੇ ਸਾਬਕਾ ਕੇਂਦਰੀ ਮੰਤਰੀ ਡਾਕਟਰ ਦੇਵੇਂਦਰ ਪ੍ਰਧਾਨ ਨੂੰ ਅੰਤਿਮ ਸ਼ਰਧਾਂਜਲੀ ਭੇਟ ਕੀਤੀ।

ਇਸ ਤੋਂ ਇਲਾਵਾ ਉਹ ਭਾਰਤੀ ਜਨਤਾ ਪਾਰਟੀ ਦੇ ਕੌਮੀ ਮੀਤ ਪ੍ਰਧਾਨ ਵੀ ਰਹਿ ਚੁੱਕੇ ਹਨ। ਦੇਵੇਂਦਰ ਪ੍ਰਧਾਨ ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ ਇਕ ਸਰਕਾਰੀ ਡਾਕਟਰ ਸਨ।

Continue Reading

Latest News

Trending