ਦੁਕਾਨਦਾਰਾਂ ਨੇ ਵਿਸ਼ੇਸ਼ ਤੌਰ ਤੇ ਸਜਾਇਆ ਹੋਲੀ ਨਾਲ ਸਬੰਧਿਤ ਸਾਮਾਨ

ਐਸ ਏ ਐਸ ਨਗਰ, 13 ਮਾਰਚ (ਸ.ਬ.) ਹੌਲੀ ਦੇ ਤਿਉਹਾਰ ਨੂੰ ਲੈ ਕੇ ਬਾਜਾਰ ਸਜ ਗਏ ਹਨ। ਸ਼ਹਿਰ ਦੀਆਂ ਸਾਰੀਆਂ ਮਾਰਕੀਟਾਂ ਵਿੱਚ ਦੁਕਾਨਦਾਰਾਂ ਵੱਲੋਂ ਹੋਲੀ ਨਾਲ ਸਬੰਧਿਤ ਸਾਮਾਨ ਵਿਸ਼ੇਸ਼ ਤੌਰ ਤੇ ਸਜਾਇਆ ਗਿਆ ਹੈ। ਬਾਜਾਰ ਦੀ ਇਹ ਸਜਾਵਟ ਬੱਚਿਆਂ ਅਤੇ ਨੌਜਵਾਨਾਂ ਨੂੰ ਉਤਸ਼ਾਹਿਤ ਕਰ ਰਹੀ ਹੈ।

ਬਾਜਾਰ ਵਿੱਚ ਵੱਖ-ਵੱਖ ਤਰ੍ਹਾਂ ਦੀਆਂ ਪਿਚਕਾਰੀਆਂ, ਰੰਗ, ਗੁਲਾਲ, ਮਖੌਟੇ, ਰੰਗ ਬਿਰੰਗੇ ਵਾਲ, ਸੀਟੀਆਂ, ਪਾਣੀ ਵਾਲੇ ਗੁਬਾਰੇ ਅਤੇ ਹੋਰ ਕਈ ਤਰ੍ਹਾਂ ਦਾ ਸਾਮਾਨ ਉਪਲਬਧ ਹੈ। ਦੁਕਾਨਦਾਰ ਹੋਲੀ ਦੇ ਤਿਉਹਾਰ ਨੂੰ ਲੈ ਕੇ ਉਤਸ਼ਾਹਿਤ ਹਨ ਅਤੇ ਚੰਗੀ ਵਿਕਰੀ ਹੋਣ ਦੀ ਉਮੀਦ ਕਰ ਰਹੇ ਹਨ। ਇਸ ਦੌਰਾਨ ਨੌਜਵਾਨ ਚਿੱਟੀਆਂ ਟੀ ਸ਼ਰਟਾਂ ਦੀ ਖਰੀਦਦਾਰੀ ਕਰ ਰਹੇ ਹਨ।

ਹੋਲੀ ਦੇ ਸਾਮਾਨ ਤੋਂ ਇਲਾਵਾ ਮਿਠਾਈਆਂ ਦੀਆਂ ਦੁਕਾਨਾਂ ਵੀ ਸਜ ਚੁੱਕੀਆਂ ਹਨ। ਹੋਲੀ ਦੇ ਮੌਕੇ ਤੇ ਲੋਕ ਗੁਝੀਆਂ ਦੀ ਜ਼ਿਆਦਾ ਮੰਗ ਕਰਦੇ ਦਿਖ ਰਹੇ ਹਨ।

ਐਸ ਏ ਐਸ ਨਗਰ, 13 ਮਾਰਚ (ਸ.ਬ.) ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ ਮੁਹਾਲੀ, ਝੰਜੇੜੀ ਵੱਲੋਂ ਮਹਿਲਾ ਸਸ਼ਕਤੀਕਰਨ ਅਤੇ ਉਦਮਤਾ ਨੂੰ ਸਮਰਪਿਤ ਇੱਕ ਜਾਗਰੂਕਤਾ ਸੈਸ਼ਨ ਦਾ ਆਯੋਜਨ ਕੀਤਾ ਗਿਆ। ਵੈਂਚਰ ਨੈਸਟ ਸੀ ਜੀ ਸੀ, ਟੀ ਬੀ ਆਈ ਐਸੋਸੀਏਸ਼ਨ ਦੀ ਸਰਪ੍ਰਸਤੀ ਵਿਚ ਜ਼ਿਲ੍ਹਾ ਰੋਜ਼ਗਾਰ ਅਤੇ ਉੱਦਮ ਬਿਊਰੋ, ਐਸ.ਏ.ਐਸ. ਨਗਰ ਦੇ ਸਹਿਯੋਗ ਨਾਲ ਕਰਵਾਏ ਗਏ ਇਸ ਪ੍ਰੋਗਰਾਮ ਵਿੱਚ ਵੱਖ-ਵੱਖ ਉਦਯੋਗਾਂ ਦੇ ਸਫਲ ਉਦਯੋਗਪਤੀਆਂ, ਬਿਜ਼ਨਸ ਲੀਡਰਾਂ ਨੇ ਮਹਿਲਾਵਾਂ ਦੀ ਉਪਯੋਗਿਤਾ ਅਤੇ ਲੀਡਰਸ਼ਿਪ ਵਿਚ ਭੂਮਿਕਾ ਤੇ ਵਿਚਾਰ-ਵਟਾਂਦਰਾ ਕੀਤਾ।

ਇਸ ਪ੍ਰੋਗਰਾਮ ਵਿਚ ਮੁੱਖ ਭਾਸ਼ਣ, ਪੈਨਲ ਚਰਚਾਵਾਂ ਅਤੇ ਮਹਿਲਾ-ਲੀਡਰਸ਼ਿਪ ਵਾਲੇ ਸਟਾਰਟ ਅਪ ਪਿਚਿੰਗ ਸੈਸ਼ਨ ਕਰਵਾਏ ਗੲ। ਇਸ ਦੌਰਾਨ ਸਰਦਾਰਨੀ ਪ੍ਰੀਤ, ਡਾ. ਦਪਿੰਦਰ ਕੌਰ ਬਖ਼ਸ਼ੀ, ਵੀ ਜੇ ਅਮਨ, ਆਰ ਜੇ ਗੀਤ, ਮੇਜਰ ਹਰਪ੍ਰੀਤ ਸਿੰਘ ਅਤੇ ਸੁਰਿੰਦਰ ਆਹਲੂਵਾਲੀਆ ਸਮੇਤ ਵੱਖ ਵੱਖ ਖੇਤਰਾਂ ਦੀਆਂ ਸਫਲ ਹਸਤੀਆਂ ਨੇ ਹਾਜ਼ਰ ਵਿਦਿਆਰਥੀਆਂ ਨਾਲ ਆਪਣੀ ਜ਼ਿੰਦਗੀ ਦੇ ਤਜਰਬੇ ਸਾਂਝੇ ਕੀਤੇ।

ਸੀ ਜੀ ਸੀ ਮੁਹਾਲੀ ਦੇ ਐੱਮ ਡੀ ਅਰਸ਼ ਧਾਲੀਵਾਲ ਨੇ ਆਏ ਮਹਿਮਾਨਾਂ ਦਾ ਸੁਆਗਤ ਕਰਦਿਆਂ ਕਿਹਾ ਕਿ ਸੀ ਜੀ ਸੀ ਝੰਜੇੜੀ ਵਿੱਚ ਮਹਿਲਾਵਾਂ ਨੂੰ ਕੁੱਝ ਨਵਾ ਕਰਨ, ਅਗਵਾਈ ਕਰਨ ਅਤੇ ਫਲਣ-ਫੁੱਲਣ ਲਈ ਪ੍ਰੇਰਿਤ ਕੀਤਾ ਜਾਂਦਾ ਹੈ।

ਚੰਡੀਗੜ੍ਹ, 13 ਮਾਰਚ (ਸ.ਬ.) ਸਰਕਾਰੀ ਮਾਡਲ ਸੀਨੀਅਰ ਸਕੈਂਡਰੀ ਸਕੂਲ ਸੈਕਟਰ 37ਡੀ ਵਿਖੇ ਪ੍ਰਿੰਸੀਪਲ ਆਸ਼ਾ ਰਾਣੀ ਦੀ ਅਗਵਾਈ ਹੇਠ ਵਿੱਦਿਆ, ਸੰਗੀਤ, ਗਿਆਨ ਅਤੇ ਬੁੱਧੀ ਦੀ ਦੇਵੀ ਮਾਤਾ ਸਰਸਵਤੀ ਜੀ ਦੀ ਮੂਰਤੀ ਸਥਾਪਿਤ ਕੀਤੀ ਗਈ।

ਇਸ ਮੌਕੇ ਵਿਧੀਵਤ ਤਰੀਕੇ ਨਾਲ ਮੂਰਤੀ ਸਥਾਪਨਾ ਕਰਦਿਆਂ ਮਾਂ ਸਰਸਵਤੀ ਵੰਦਨਾ ਦਾ ਗਾਇਨ ਕੀਤਾ ਗਿਆ। ਇਸ ਮੌਕੇ ਪ੍ਰਿੰਸੀਪਲ ਆਸ਼ਾ ਰਾਣੀ ਨੇ ਕਿਹਾ ਕਿ ਵਿਦਿਆਰਥੀਆਂ ਵਿੱਚ ਭਾਰਤੀ ਸੰਸਕ੍ਰਿਤੀ ਅਤੇ ਮੁੱਲ-ਪ੍ਰਬੰਧ ਨੂੰ ਆਤਮਸਾਤ ਕਰਨ ਲਈ ਇਹ ਸੁਨਿਹਰਾ ਮੌਕਾ ਹੈ।