30 ਦਸੰਬਰ ਤੱਕ ਦਿੱਤੇ ਜਾ ਸਕਣਗੇ ਦਾਅਵੇ ਅਤੇ ਇਤਰਾਜ

ਐਸ ਏ ਐਸ ਨਗਰ, 23 ਦਸੰਬਰ (ਸ.ਬ.) ਪਿਛਲੇ ਦੋ ਦਿਨਾਂ ਤੋਂ ਉਡੀਕਿਆਂ ਜਾ ਰਿਹਾ ਨਗਰ ਨਿਗਮ ਦੀ ਵਾਰਡਬੰਦੀ ਦਾ ਨਕਸ਼ਾ ਅੱਜ ਬਾਅਦ ਦੁਪਹਿਰ ਲੋਕਾਂ ਵਾਸਤੇ ਜਾਰੀ ਕਰ ਦਿੱਤਾ ਗਿਆ। ਜਿਕਰਯੋਗ ਹੈ ਕਿ ਬੀਤੀ 20 ਦਸੰਬਰ ਨੂੰ ਸੈਕਟਰ 35 ਵਿੱਚ ਸਥਾਨਕ ਸਰਕਾਰ ਵਿਭਾਗ ਦੇ ਦਫਤਰ ਵਿੱਚ ਹੋਈ ਵਾਰਡਬੰਦੀ ਕਮੇਟੀ ਦੀ ਮੀਟਿੰਗ ਦੌਰਾਨ ਅਗਲੀ ਵਾਰ ਹੋਣ ਵਾਲੀ ਚੋਣ ਲਈ ਕੀਤੀ ਜਾਣ ਵਾਲੀ ਪ੍ਰਸਤਾਵਿਤ ਵਾਰਡਬੰਦੀ ਦੇ ਨਕਸ਼ੇ ਨੂੰ ਮੰਜੂਰੀ ਦੇ ਦਿੱਤੀ ਗਈ ਸੀ ਅਤੇ ਕਿਹਾ ਗਿਆ ਸੀ ਕਿ ਇਹ ਨਕਸ਼ਾ ਅਗਲੇ ਕੰਮ ਵਾਲੇ ਦਿਨ ਨਗਰ ਨਿਗਮ ਦੇ ਦਫਤਰ ਵਿੱਚ ਲੋਕਾਂ ਦੇ ਵੇਖਣ ਲਈ ਰੱਖ ਦਿੱਤਾ ਜਾਵੇਗਾ ਪਰੰਤੂ ਬੀਤੇ ਦਿਨ ਇਹ ਨਕਸ਼ਾ ਜਾਰੀ ਨਹੀਂ ਕੀਤਾ ਗਿਆ ਸੀ ਅਤੇ ਅੱਜ ਬਾਅਦ ਦੁਪਹਿਰ ਇਹ ਲੋਕਾਂ ਦੇ ਵੇਖਣ ਲਈ ਰੱਖ ਦਿੱਤਾ ਗਿਆ ਹੈ।

ਨਕਸ਼ੇ ਅਨੁੁਸਾਰ ਇਸ ਵਾਰ ਵੀ 50 ਵਾਰਡ ਬਣਾਏ ਗਏ ਹਨ ਜਿਹਨਾਂ ਵਿੱਚ ਵਾਰਡ ਨੰਬਰ 2, 6, 10, 12, 14, 16, 18, 20, 22, 24, 28, 30, 32, 34, 36, 38, 42, 44, 48, 50 ਜਨਰਲ ਹਨ। ਜਨਰਲ ਔਰਤਾਂ ਦੇ ਵਾਰਡਾਂ ਵਿੱਚ ਵਾਰਡ ਨੰਬਰ 1, 3, 7, 9, 11, 13, 15, 19, 21, 23, 25, 27, 31, 33, 35, 37, 39, 41, 43, 45, 47, 49 ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਬੈਕਵਰਡ ਕਲਾਸ ਲਈ ਵਾਰਡ ਨੰਬਰ 4 ਅਤੇ 8 ਨੂੰ ਰਾਖਵਾਂ ਕੀਤਾ ਗਿਆ ਹੈ। ਵਾਰਡ ਨੰਬਰ 26, 40, 46 ਨੂੰ ਸ਼ਡਿਊਲ ਕਾਸਟ ਲਈ ਅਤੇ ਵਾਰਡ ਨੰਬਰ 5, 17, 29 ਨੂੰ ਸ਼ਡਿਊਲ ਕਾਸਟ ਔਰਤਾਂ ਲਈ ਰਾਖਵਾਂ ਕੀਤਾ ਗਿਆ ਹੈ।

ਵਾਰਡ ਬੰਦੀ ਦੀ ਸ਼ੁਰੂਆਤ ਪਿੰਡ ਮੁਹਾਲੀ ਤੋਂ ਕਰਦਿਆਂ ਉੱਥੇ ਇੱਕ ਨੰਬਰ ਵਾਰਡ ਬਣਾਇਆ ਗਿਆ ਹੈ ਜਿਸ ਵਿੱਚ ਨਾਲ ਲੱਗਦਾ ਉਦਯੋਗਿਕ ਖੇਤਰ ਅਤੇ ਪਿੰਡ ਸ਼ਾਹੀ ਮਾਜਰਾ ਨੂੰ ਵੀ ਸ਼ਾਮਿਲ ਕੀਤਾ ਗਿਆ ਹੈ। ਫੇਜ਼ 6 ਦੇ ਖੇਤਰ ਨੂੰ 2 ਨੰਬਰ ਵਾਰਡ ਬਣਾਇਆ ਗਿਆ ਹੈ। ਫੇਜ਼ 1 ਦੇ ਦੋ ਵਾਰਡ ਬਣਾਏ ਗਏ ਹਨ ਜਿਸ ਵਿੱਚੋਂ ਵਾਰਡ ਨੰਬਰ 3 ਵਿੱਚ ਫੇਜ਼ 1 ਦੀਆਂ ਕੋਠੀਆਂ ਅਤੇ ਫੇੇਜ਼ 2 ਦੇ ਐਚ ਐਲ ਐਚ ਐਮ ਕਵਾਟਰਾਂ ਦਾ ਹਿੱਸਾ (ਗੁਰੂਦੁਆਰਾ ਸਾਹਿਬ ਵਾਲਾ) ਸ਼ਾਮਿਲ ਕੀਤਾ ਗਿਆ ਹੈ ਅਤੇ ਬਾਕੀ ਹਿੱਸੇ ਵਿੱਚ ਚਾਰ ਨੰਬਰ ਵਾਰਡ ਬਣਿਆ ਹੈ ਜਿਹੜਾ ਬੀ ਸੀ ਵਰਗ ਲਈ ਰਾਖਵਾਂ ਹੈ।

ਫੇਜ਼ 2 ਦੇ ਬਾਕੀ ਹਿੱਸੇ ਵਿੱਚ ਵਾਰਡ ਨੰਬਰ 5 ਬਣਿਆ ਹੈ ਜੋ ਐਸ ਸੀ (ਮਹਿਲਾ) ਲਈ ਰਾਖਵਾਂ ਹੈ। ਵਾਰਡ ਨੰਬਰ 6 ਵਿੱਚ ਫੇਜ਼ 3 ਏ ਦੇ ਨਾਲ ਫੇਜ਼ 3 ਬੀ 1 ਦਾ 10 ਮਰਲਾ ਕੋਠੀਆਂ ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 7 ਵਿੱਚ 3 ਬੀ 1 ਦੇ ਹਿੱਸੇ ਨਾਲ ਫੇਜ਼ 3 ਬੀ 2 ਦੀਆਂ ਕਨਾਲ ਕੋਠੀਆਂ (ਸ਼ੀਤਲ ਡਿਪਾਰਟਮੈਂਟਲ ਸਟੋਰ ਦੇ ਪਿੱਛੇ ਵਾਲੀਆਂ ਕੋਠੀਆਂ ਸ਼ਾਮਿਲ ਕੀਤੀਆਂ ਗਈਆਂ ਹਨ।

ਵਾਰਡ ਨੰਬਰ 8 ਵਿੱਚ 4 ਦੇ ਗੁਰੂਦੁਆਰਾ ਸਾਹਿਬ ਅਤੇ ਮੰਦਰ ਅਤੇ ਗੁਰੂਦੁਆਰਾ ਦੇ ਸਾਮ੍ਹਣੇ ਅਤੇ ਪਿੱਛੇ ਵਾਲਾ ਹਿੱਸਾ ਅਤੇ ਕਨਾਲ ਕੋਠੀਆਂ ਸ਼ਾਮਿਲ ਕੀਤੀਆਂ ਗਈਆਂ ਹਨ। ਇਸ ਵਿੱਚ ਫੇਜ਼ 5 ਦੀਆਂ ਕੁੱਝ ਕਨਾਲ ਕੋਠੀਆਂ ਵੀ ਸ਼ਾਮਿਲ ਕੀਤੀਆਂ ਗਈਆਂ ਹਨ। ਫੇੇਜ਼ 4 ਦੇ ਐਚ ਐਮ ਕਵਾਟਰ ਅਤੇ ਕੋਠੀ ਨੰਬਰ 1 ਤੋਂ 235 ਨੂੰ ਫੇਜ਼ 5 ਦੇ ਸ਼ੋਰੂਮਾਂ ਦੇ ਪਿੱਛੇ ਪੈਂਦੀਆਂ 10 ਮਰਲਾ ਕੋਠੀਆਂ ਅਤੇ ਹੋਰ ਖੇਤਰ ਨੂੰ ਮਿਲਾ ਕੇ ਵਾਰਡ ਨੰਬਰ 9 ਬਣਾਇਆ ਗਿਆ ਹੈ। ਵਾਰਡ ਨੰਬਰ 10 ਵਿੱਚ ਫੇਜ਼ 3 ਬੀ 2 ਦੀਆਂ 10 ਮਰਲਾ ਕੋਠੀਆਂ ਨੂੰ ਛੱਡ ਕੇ ਬਾਕੀ ਦਾ ਖੇਤਰ ਅਤੇ ਫੇਜ਼ 7 ਦੀਆਂ 10 ਮਰਲਾ ਅਤੇ ਕਨਾਲ ਕੋਠੀਆਂ ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 11 ਵਿੱਚ ਫੇਜ਼ 7 ਦੀਆਂ 1 ਨੰਬਰ ਤੋਂ 1038 ਤਕ ਦਾ ਖੇਤਰ, ਐਚ ਈ ਐਚ ਐਲ ਦੇ ਕਵਾਟਰ ਅਤੇ ਚੰਡੀਗੜ੍ਹ ਦੇ ਨਾਲ ਲੱਗਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 12 ਵਿੱਚ ਫੇਜ਼ 7 ਦੀ ਕੋਠੀ ਨੰਬਰ 1625 ਤੋਂ 2265 ਤਕ, ਐਚ ਐਲ 401 ਤੋਂ ਐਚ ਐਮ 562 ਤਕ ਦਾ ਖੇਤਰ ਅਤੇ ਸੈਕਟਰ 70 ਦੇ ਐਚ ਆਈ ਜੀ ਮਕਾਨਾਂ ਅਤੇ 10 ਮਰਲਾ ਕੋਠੀਆਂ ਦਾ ਖੇਤਰ (ਫੁਹਾਰਾ ਪਾਰਕ ਤਕ) ਸ਼ਾਮਿਲ ਕੀਤੇ ਗਏ ਹਨ।

ਵਾਰਡ ਨੰਬਰ 13 ਵਿੱਚ ਫੇਜ਼ 8, ਫੇਜ਼ 9 ਦਾ ਕੁੱਝ ਹਿੱਸਾ ਅਤੇ ਸੈਕਟਰ 69 ਦਾ ਅੱਧਾ ਖੇਤਰ, ਵਾਰਡ ਨੰਬਰ 14 ਵਿੱਚ ਫੇਜ਼ 9 ਦੇ ਐਚ ਈ, ਐਚ ਐਲ, ਐਚ ਐਮ, ਐਚ ਆਈ ਜੀ ਅਤੇ ਫੇਜ਼ ਦੀਆਂ ਕੋਠੀਆਂ, ਵਾਰਡ ਨੰਬਰ 15 ਵਿੱਚ ਫੇਜ਼ 9 ਦਾ ਬਾਕੀ ਖੇਤਰ, ਫੇਜ਼ 10 ਅਤੇ ਨਾਈਪਰ ਦਾ ਖੇਤਰ, ਵਾਰਡ ਨੰਬਰ 16 ਵਿੱਚ ਫੇਜ਼ 10 ਦਾ ਕੁੱਝ ਖੇਤਰ ਅਤੇ ਫੇਜ਼ 11 ਦਾ ਖੇਤਰ, ਵਾਰਡ ਨੰਬਰ 17 ਅਤੇ 18 ਵਿੱਚ ਫੇਜ਼ 10 ਦਾ ਖੇਤਰ, ਵਾਰਡ ਨੰਬਰ 19 ਤੋਂ 21 ਵਿੱਚ ਫੇਜ਼ 11, ਸੈਕਟਰ 48 ਸੀ, ਮੰਡੀ ਬੋਰਡ, ਕੰਬਾਲੀ ਅਤੇ ਹੋਰ ਖੇਤਰ, ਵਾਰਡ ਨੰਬਰ 22 ਵਿੱਚ ਪਿੰਡ ਰੁੜਕਾ, ਸੈਕਟਰ 66 ਬੀ ਅਤੇ ਏਅਰੋ ਸਿਟੀ ਦਾ ਖੇਤਰ, ਵਾਰਡ ਨੰਬਰ 23 ਵਿੱਚ ਸੈਕਟਰ 66 ਅਤੇ ਉਦਯੋਗਿਕ ਖੇਤਰ ਫੇਜ਼ 9, ਵਾਰਡ ਨੰਬਰ 24 ਵਿੱਚ ਸੈਕਟਰ 81, ਸੈਕਟਰ 82, ਸੈਕਟਰ 82 ਏ ਅਤੇ ਸੈਕਟਰ 83 ਏ ਦਾ ਖੇਤਰ, ਵਾਰਡ ਨੰਬਰ 25 ਵਿੱਚ ਸੈਕਟਰ 67 ਅਤੇ ਸੈਕਟਰ 80 ਦਾ ਕੁੱਝ ਖੇਤਰ, ਵਾਰਡ ਨੰਬਰ 26 ਵਿੱਚ ਪਿੰਡ ਮੌਲੀ ਬੈਦਵਾਨ ਅਤੇ ਸੈਕਟਰ 80 ਦਾ ਬਾਕੀ ਖੇਤਰ, ਵਾਰਡ ਨੰਬਰ 27 ਵਿੱਚ ਸੈਕਟਰ 68 ਦਾ ਖੇਤਰ, ਵਾਰਡ ਨੰਬਰ 28 ਵਿੱਚ ਪਿੰਡ ਕੁੰਭੜਾ ਦਾ ਵੱਡਾ ਖੇਤਰ ਅਤੇ ਵਾਰਡ ਨਬਰ 29 ਵਿੱਚ ਪਿੰਡ ਕੁੰਭੜਾ ਦਾ ਬਾਕੀ ਖੇਤਰ ਅਤੇ ਸੈਕਟਰ 68 ਦਾ ਕੁੱਝ ਖੇਤਰ ਸ਼ਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 30 ਵਿੱਚ ਸੈਕਟਰ 79 ਦਾ ਖੇਤਰ ਅਤੇ ਸੈਕਟਰ 78 ਦਾ ਕੁੱਝ ਖੇਤਰ, ਵਾਰਡ ਨੰਬਰ 31 ਵਿੱਚ ਸੈਕਟਰ 69 ਦਾ ਬਾਕੀ ਹਿੱਸਾ ਅਤੇ ਸੈਕਟਰ 78 ਦੇ ਸਪੋਰਟਸ ਕਾਂਪਲੈਕਸ ਵਾਲਾ ਖੇਤਰ, ਵਾਰਡ ਨੰਬਰ 32 ਵਿੱਚ ਪਿੰਡ ਸੋਹਾਣਾ ਦਾ ਵਿਚਕਾਰਲਾ ਹਿੱਸਾ, ਵਾਰਡ ਨੰਬਰ 33 ਵਿੱਚ ਸੈਕਟਰ 70 ਦਾ ਹਿੱਸਾ ਅਤੇ ਪਿੰਡ ਮਟੌਰ ਦਾ ਕੁੱਝ ਹਿੱਸਾ, ਵਾਰਡ ਨੰਬਰ 34 ਵਿੱਚ ਸੈਕਟਰ 70 ਦਾ ਵੱਡਾ ਖੇਤਰ, ਵਾਰਡ ਨੰਬਰ 35 ਵਿੱਚ ਸੈਕਟਰ 70 ਅਤੇ ਪਿੰਡ ਮਟੌਰ ਦਾ ਵਿਚਕਾਰਲਾ ਹਿੱਸਾ, ਵਾਰਡ ਨੰਬਰ 36 ਵਿੱਚ ਸੈਕਟਰ 71 ਅਤੇ ਨਾਲ ਲੱਗਦਾ ਮਟੌਰ ਦਾ ਖੇਤਰ, ਵਾਰਡ ਨੰਬਰ 37 ਵਿੱਚ ਫੇਜ਼ 5 ਦੇ ਐਚ ਈ ਮਕਾਨ, ਸਾਢੇ 7 ਮਰਲਾ, ਫੇਜ਼3ਬੀ 2 ਦਾ 10 ਮਰਲਾ ਕੋਠੀਆਂ ਦਾ ਖੇਤਰ, ਸੈਕਟਰ 71 ਦਾ ਕੁੱਝ ਹਿੱਸਾ ਅਤੇ ਉਦਯੋਗਿਕ ਖੇਤਰ ਦਾ ਵੱਡਾ ਹਿੱਸਾ ਸ਼ਾਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 38 ਵਿੱਚ ਸੈਕਟਰ 71 ਦਾ ਬਾਕੀ ਖੇਤਰ ਅਤੇ ਸੈਕਟਰ 76 ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 39 ਵਿੱਚ ਸੈਕਟਰ 70 ਦਾ ਕੁੱਝ ਹਿੱਸਾ (ਹੋਮਲੈਂਡ ਅਤੇ ਨੇੜੇ) ਅਤੇ ਸੋਹਾਣਾ ਦਾ ਕੁੱਝ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 40 ਵਿੱਚ ਪਿੰਡ ਸੋਹਾਣਾ ਦਾ ਬਾਕੀ ਖੇਤਰ, ਸੈਕਟਰ 77 ਅਤੇ ਸੈਕਟਰ 78 ਦਾ ਬਾਕੀ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 41 ਵਿੱਚ ਸੈਕਟਰ 85, 86, 88 , ਪਿੰਡ ਨਾਨੂੰ ਮਾਜਰਾ, ਪਿੰਡ ਸੰਭਾਲਕੀ ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 42 ਵਿੱਚ ਸੈਕਟਰ 89, ਸੈਕਟਰ 94 ਅਤੇ ਸੈਕਟਰ 90 ਦਾ ਕੁੱਝ ਹਿੱਸਾ ਸ਼ਾਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 43 ਵਿੱਚ ਸੈਕਟਰ 90, ਸੈਕਟਰ 91 ਅਤੇ ਪਿੰਡ ਲਖਨੌਰ ਦੇ ਖੇਤਰ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 44 ਵਿੱਚ ਸੈਕਟਰ 92, 92 ਏ, 116 ਪਿੰਡ ਚੱਪੜਚਿੜੀ ਖੁਰਦ ਅਤੇ ਕਲਾਂ, ਪਿੰਡ ਲਾਂਡਰਾਂ ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ।

ਵਾਰਡ ਨੰਬਰ 45 ਵਿੱਚ ਪਿੰਡ ਬਲਿਆਲੀ, ਸੈਕਟਰ 74 ਏ ਅਤੇ ਸੈਕਟਰ 117 (ਟੀ ਡੀ ਆਈ) ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 46 ਵਿੱਚ ਸੈਕਟਰ 119 ਦਾ ਖੇਤਰ, ਟੀ ਡੀ ਆਈ ਸਿਟੀ ਅਤੇ ਗੇਟਵੇ ਸਿਟੀ ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈ। ਵਾਰਡ ਨੰਬਰ 47 ਵਿੱਚ ਪਿੰਡ ਬੱਲੋਮਾਜਰਾ ਅਤੇ ਸੈਕਟਰ 119 ਦਾ ਟੀ ਡੀ ਆਈ ਦਾ ਖੇਤਰ ਸ਼ਾਮਿਲ ਕੀਤਾ ਗਿਆ ਹੈੈ।

ਵਾਰਡ ਨੰਬਰ 48 ਵਿੱਚ ਪਿੰਡ ਬਲੌਂਗੀ ਦਾ ਖਰੜ ਹਾਈਵੇ ਨਾਲ ਲੱਗਦਾ ਖੇਤਰ, ਵਾਰਡ ਨੰਬਰ 49 ਵਿੱਚ ਬਲੌਂਗੀ ਦਾ ਬਾਕੀ ਖੇਤਰ ਅਤੇ ਵਾਰਡ ਨੰਬਰ 50 ਵਿੱਚ ਵੇਰਕਾਪਲਾਂਟ ਦੇ ਨਾਲ ਲੱਗਦਾ ਖੇਤਰ, ਏ ਟੀ ਐਸ, ਸੈਕਟਰ 57 ਅਤੇ ਉਦਯਗਿਕ ਖੇਤਰ ਸੈਕਟਰ 73, ਸੈਕਟਰ 73 ਏ ਅਤੇ ਸੈਕਟਰ 74 ਦਾ ਬਾਕੀ ਹਿੱਸਾ ਸ਼ਾਮਿਲ ਕੀਤਾ ਗਿਆ ਹੈ।