<< Prev 1 2 3121 122 123 Next >>

Mobile



ਮੋਬਾਈਲ ਕੰਪਨੀ ਦੇ ਖਿਲਾਫ ਲੋਕ ਅਦਾਲਤ ਵਿੱਚ ਜਾਣ ਲਈ ਤਿਆਰ ਹੈ ਸਤਾਇਆ ਹੋਇਆ ਵਸਨੀਕ



ਐਸ ਏ ਐਸ ਨਗਰ, 18 ਦਸੰਬਰ (ਸ.ਬ.) ਸਥਾਨਕ ਫੇਜ਼-3ਬੀ2 ਦਾ ਇੱਕ ਵਸਨੀਕ ਇੰਟਰਨੈਟ ਕੁਨੈਕਸ਼ਨ ਦੇਣ ਵਾਲੀ ਇੱਕ ਪ੍ਰਾਈਵੇਟ ਕੰਪਨੀ ਦੇ ਖਿਲਾਫ ਲੋਕ ਅਦਾਲਤ ਦਾ ਦਰਵਾਜਾ ਖੜਕਾਉਣ ਤਿਆਰੀ ਵਿੱਚ ਹੈ| ਫੇਜ਼-3ਬੀ2 ਦੇ ਵਸਨੀਕ ਜਗਦੀਪ ਸਿੰਘ ਦਾ ਕਹਿਣਾ ਹੈ ਕਿ ਉਸਨੇ ਕੰਪਨੀ ਕੋਲੋਂ ਇੱਕ ਬ੍ਰਾਡਬੈਂਡ ਕਨੈਕਸ਼ਨ 2005 ਵਿੱਚ ਲਗਵਾਇਆ ਸੀ ਜਿਸਦਾ ਉਹ ਲਗਾਤਾਰ ਬਿੱਲ ਭਰਦਾ ਆ ਰਿਹਾ ਹੈ| ਉਸਨੇ ਕਿਹਾ ਕਿ ਪਿਛਲੀ 28 ਅਗਸਤ ਨੂੰ ਉਸਨੇ ਕ੍ਰੈਡਿਟ ਕਾਰਡ ਰਾਹੀਂ ਇਸਦਾ ਬਿੱਲ ਭਰਿਆ ਸੀ ਪਰ ਕੰਪਨੀ ਵਾਲੇ ਉਸਨੂੰ ਉਹੀ ਬਿੱਲ ਲਗਾਤਾਰ ਲਗਾ ਕੇ ਭੇਜਣ ਲੱਗ ਪਏ ਜਿਸਦਾ ਉਸਨੇ ਵਿਰੋਧ ਕੀਤਾ ਤਾਂ ਉਸਦਾ ਕੁਨੈਕਸ਼ਨ ਹੀ ਅਕਤੂਬਰ ਵਿੱਚ ਕੱਟ ਦਿੱਤਾ ਗਿਆ| ਉਸਨੇ ਕਿਹਾ ਕਿ ਇਸਦੇ ਖਿਲਾਫ ਉਸਨੇ ਕਈ ਈ ਮੇਲਾਂ ਕੰਪਨੀ ਨੂੰ ਪਾਈਆਂ ਅਤੇ ਕੰਪਨੀ ਦਾ ਕਰਮਚਾਰੀ ਉਸ ਤੋਂ ਕ੍ਰੈਡਿਟ ਕਾਰਡ ਰਾਹੀਂ ਜਮ੍ਹਾਂ ਹੋਏ ਪੈਸੇ ਦੇ ਸਟੇਟਮੈਂਟ ਵੀ ਲੈ ਗਿਆ ਪਰ ਉਸਦਾ ਕੁਨੈਕਸ਼ਨ ਚਾਲੂ ਨਹੀਂ ਕੀਤਾ ਗਿਆ| ਉਸਨੇ ਕਿਹਾ ਕਿ ਉਹ ਕੰਪਨੀ ਅਧਿਕਾਰੀਆਂ ਨਾਲ ਗੱਲ ਕਰਕੇ ਥਕ ਚੁੱਕਿਆ ਹੈ ਅਤੇ ਲੋਕ ਅਦਾਲਤ ਦਾ ਦਰਵਾਜਾ ਖੜਕਾਉਣ ਲਈ ਮਜਬੂਰ ਹੈ ਜਿਸਦੀ ਸਾਰੀ ਜਿੰਮੇਵਾਰੀ ਉਕਤ ਕੰਪਨੀ ਦੀ ਹੋਵੇਗੀ|



Road in Industrial area.....



ਨਗਰ ਨਿਗਮ ਦੀ ਇੱਕ ਹੋਰ ਮਾੜੀ ਕਾਰਗੁਜਾਰੀ : 15 ਦਿਨ ਪਹਿਲਾਂ ਬਣਾਈ ਸੜਕ ਦੀ ਹਾਲਤ ਮਾੜੀ, ਖੱਡੇ ਹੀ ਖੱਡੇ, ਜਾਂਚ ਦੀ ਮੰਗ

ਐਸ ਏ ਐਸ ਨਗਰ, 18 ਦਸੰਬਰ (ਸ.ਬ.) ਨਗਰ ਨਿਗਮ ਐਸ ਏ ਐਸ ਨਗਰ ਵੈਸੇ ਤਾਂ ਅਕਸਰ ਕਿਸੇ ਨਾ ਕਿਸੇ ਕਾਰਨ ਸੁਰਖੀਆਂ ਵਿੱਚ ਰਹਿੰਦੀ ਹੈ ਪਰ ਨਗਰ ਨਿਗਮ ਦੇ ਅਧੀਨ ਜੋ ਰੱਖ ਰਖਾਓ ਦੇ ਕੰਮ ਆਉਂਦੇ ਹਨ, ਉਨ੍ਹਾਂ ਵਿੱਚ ਵੀ ਇਹ ਬੁਰੀ ਤਰ੍ਹਾਂ ਫੇਲ੍ਹ ਹੀ ਸਾਬਿਤ ਹੁੰਦੀ ਦਿਖਾਈ ਦਿੱਤੀ ਹੈ| ਪਹਿਲਾਂ ਤਾਂ 30 ਨਵੰਬਰ ਤੱਕ ਦੀ ਤਰੀਕ ਤੱਕ ਸੜਕਾਂ ਤੇ ਪ੍ਰੀਮਿਕਸ ਪਾਉਣ ਦਾ ਕੰਮ ਮੁਕੰਮਲ ਹੋਣ ਦੀ ਟੈਂਡਰ ਦੀ ਸ਼ਰਤ ਨੂੰ ਛਿੱਕੇ ਟੰਗ ਕੇ ਦਸੰਬਰ ਮਹੀਨੇ ਵਿੱਚ ਵੀ ਪ੍ਰੀਮਿਕਸ ਪਾਉਣ ਦਾ ਕੰਮ ਚੱਲਦਾ ਰਿਹਾ| ਇਸਦੇ ਚੱਲਦੇ ਪੀ ਸੀ ਐਲ ਲਾਈਟਾਂ ਤੋਂ ਅੱਗੇ ਆਈ ਵੀ ਵਾਈ ਵਾਲੀਆਂ ਲਾਈਟਾਂ ਤੋਂ ਫੇਜ਼-7 ਸਨਅਤੀ ਖੇਤਰ ਵਾਲੀ ਸੜਕ ਤੇ ਸਿਰਫ 15 ਦਿਨ ਪਹਿਲਾਂ ਪਾਈ ਗਈ ਪ੍ਰੀਮਿਕਸ ਹੀ ਉਖੜ ਗਈ ਹੈ ਅਤੇ ਥਾਂ ਥਾਂ ਤੇ ਇਸ ਸੜਕ ਤੇ ਖੱਡੇ ਪੈ ਗਏ ਹਨ| ਜਿੱਥੇ ਖੱਡੇ ਨਹੀਂ ਹਨ ਉੱਥੇ ਵੀ ਰੋੜੀ ਹੀ ਰੋੜੀ ਖਿੱਲਰ ਗਈ ਹੈ ਜਿਸ ਨਾਲ ਦੋਪਹੀਆ ਵਾਹਨ ਚਾਲਕ ਤਿਲ੍ਹਕ ਕੇ ਡਿਗਦੇ ਹਨ ਅਤੇ ਸੱਟਾਂ ਖਾਂਦੇ ਹਨ| ਇੱਥੋਂ ਰੋਜਾਨਾ ਲੰਘਣ ਵਾਲੇ ਲੋਕਾਂ ਦਾ ਕਹਿਣਾ ਹੈ ਕਿ ਘਟੀਆ ਮਟੀਰੀਅਲ ਲਗਾਏ ਜਾਣ ਕਾਰਨ ਇਹ ਸੜਕ ਬੁਰੀ ਤਰ੍ਹਾਂ ਟੁੱਟ ਗਈ ਹੈ ਅਤੇ ਇਸ ਵਿੱਚ ਥਾਂ ਥਾਂ ਤੇ ਖੱਡੇ ਪੈ ਗਏ ਹਨ ਜਿਸ ਨਾਲ ਉਨ੍ਹਾਂ ਨੂੰ ਵਾਹਨ ਚਲਾਉਣ ਵੇਲੇ ਵੀ ਡਰ ਲੱਗਦਾ ਹੈ| ਇਸ ਮਾਮਲੇ ਵਿੱਚ ਸੰਪਰਕ ਕਰਨ ਤੇ ਨਿਗਮ ਦੇ ਜਾਇੰਟ ਕਮਿਸ਼ਨਰ ਤਕਨੀਕੀ ਨੇ ਕਿਹਾ ਕਿ ਉਹ ਇਸ ਮਾਮਲੇ ਦੀ ਜਾਂਚ ਕਰਵਾਉਣਗੇ ਅਤੇ ਇਸ ਵਾਸਤੇ ਉਨ੍ਹਾਂ ਨੇ ਹੇਠਲੇ ਕਰਮਚਾਰੀਆਂ ਨੂੰ ਰਿਪੋਰਟ ਦੇਣ ਲਈ ਕਹਿ ਦਿੱਤਾ ਹੈ| ਇੱਥੇ ਜਿਕਰਯੋਗ ਹੈ ਕਿ ਪਹਿਲਾਂ ਹੀ ਨਿਗਮ ਦੇ ਕਮਿਸ਼ਨਰ ਸ੍ਰੀ ਉਮਾ ਸ਼ੰਕਰ ਗੁਪਤਾ ਵਲੋਂ ਰਾਤ ਵੇਲੇ ਪਾਈ ਜਾਂਦੀ ਪ੍ਰੀਮਿਕਸ ਦੀ ਪੇਮੈਂਟ ਠੇਕੇਦਾਰਾਂ ਨੂੰ ਕਰਨ ਤੇ ਰੋਕ ਲਗਾ ਦਿੱਤੀ ਗਈ ਹੈ ਅਤੇ ਇਸ ਮਾਮਲੇ ਦੀ ਵੀ ਜਾਂਚ ਚੱਲ ਰਹੀ ਹੈ|



Print Edition of Sky Hawk Times, December-18, 2014



Mohali Election rally by Balwant Singh Ramuwalia



ਰਾਮੂਵਾਲੀਆ ਨੇ ਪੰਜਾਬ ਵਿੱਚ ਸਭ ਤੋਂ ਪਹਿਲਾਂ ਐਸ ਏ ਐਸ ਨਗਰ ਤੋਂ ਮਿਉਂਸਪਲ ਚੋਣਾਂ ਦਾ ਬਿਗਲ ਵਜਾਇਆ

ਐਸ ਏ ਐਸ ਨਗਰ, 17 ਦਸੰਬਰ (ਸ.ਬ.) ਨਗਰ ਨਿਗਮ ਐਸ ਏ ਐਸ ਨਗਰ ਦੀਆਂ ਚੋਣਾਂ ਸਬੰਧੀ ਪੰਜਾਬ ਵਿੱਚ ਸਭ ਤੋਂ ਪਹਿਲਾਂ ਅਕਾਲੀ ਦਲ ਦੇ ਹਲਕਾ ਇੰਚਾਰਜ ਸ੍ਰ. ਬਲਵੰਤ ਸਿੰਘ ਰਾਮੂਵਾਲੀਆ ਵਲੋਂ ਜਨਤਕ ਤੌਰ ਤੇ ਬਿਗਲ ਵਜਾ ਦਿੱਤਾ ਗਿਆ ਹੈ| ਅੱਜ ਫੇਜ਼-9 ਵਿੱਚ ਬਾਕਾਇਦਾ ਤੌਰ ਤੇ ਸਟੇਜ ਤੋਂ ਜਨਤਕ ਤੌਰ ਤੇ ਸ੍ਰ. ਰਾਮੂਵਾਲੀਆ ਨੇ ਸਮੂਹ ਅਕਾਲੀ ਵਰਕਰਾਂ ਅਤੇ ਆਗੂਆਂ ਨੂੰ ਇਨ੍ਹਾਂ ਚੋਣਾਂ ਲਈ ਕਮਰ ਕੱਸੇ ਕਰਨ ਲਈ ਕਿਹਾ| ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਸਿੰਚਾਈ ਮੰਤਰੀ ਸ੍ਰ. ਸ਼ਰਨਜੀਤ ਸਿੰਘ ਢਿੱਲੋਂ ਅਤੇ ਮੁੱਖ ਮੰਤਰੀ ਦੇ ਸਲਾਹਕਾਰ ਅਤੇ ਹਲਕਾ ਐਸ ਏ ਐਸ ਨਗਰ ਦੇ ਅਬਜਰਵਰ ਸ੍ਰ. ਮਹੇਸ਼ਇੰਦਰ ਸਿੰਘ ਗਰੇਵਾਲ ਪਹੁੰਚੇ ਹੋਏ ਸਨ|
ਇਸ ਮੌਕੇ ਭਾਰੀ ਇਕੱਠ ਨੂੰ ਵੇਖ ਕੇ ਸ੍ਰ. ਸ਼ਰਨਜੀਤ ਸਿੰਘ ਢਿੱਲੋਂ ਨੇ ਤਾਂ ਇੱਥੋਂ ਤੱਕ ਕਹਿ ਦਿੱਤਾ ਕਿ ਸ੍ਰ. ਰਾਮੂਵਾਲੀਆ ਨੇ ਇੱਥੇ ਹੀ ਸਭਾ ਲਗਾਈ ਹੋਈ ਹੈ| ਉਨ੍ਹਾਂ ਇਸ ਮੌਕੇ ਇਹ ਵੀ ਕਿਹਾ ਕਿ ਜੇਕਰ ਲੋਕ ਭਲਾਈ ਪਾਰਟੀ ਦਾ ਯੋਗਦਾਨ ਨਾ ਹੁੰਦਾ ਤਾਂ ਅਕਾਲੀ ਦਲ ਦੀ 2012 ਦੀਆਂ ਵਿਧਾਨਸਭਾ ਚੋਣਾਂ ਵਿੱਚ ਇੰਨੀ ਵੱਡੀ ਜਿੱਤ ਨਾ ਹੁੰਦੀ| ਉਨ੍ਹਾਂ ਇਸ ਮੌਕੇ ਕਿਹਾ ਕਿ ਇਹ ਜਨਤਕ ਇਕੱਠ ਸ੍ਰ. ਰਾਮੂਵਾਲੀਆ ਦੀ ਇਸ ਹਲਕੇ ਵਿੱਚ ਜਬਰਦਸਤ ਪਕੜ ਅਤੇ ਲੀਡਰਸ਼ਿਪ ਨੂੰ ਬਿਆਨ ਕਰਦਾ ਹੈ| ਉਨ੍ਹਾਂ ਸਮੂਹ ਅਕਾਲੀ ਵਰਕਰਾਂ ਅਤੇ ਆਗੂਆਂ ਨੂੰ ਸ੍ਰ. ਰਾਮੂਵਾਲੀਆ ਦੀ ਅਗਵਾਈ
ਹੇਠ ਡਟ ਕੇ ਚੋਣਾਂ ਲੜਣ ਅਤੇ ਜਿੱਤਣ ਲਈ ਪ੍ਰੇਰਿਤ ਕੀਤਾ|
ਸ੍ਰ. ਮਹੇਸ਼ਇੰਦਰ ਸਿੰਘ ਗਰੇਵਾਲ ਨੇ ਇਸ ਮੌਕੇ ਕਿਹਾ ਕਿ ਉਨ੍ਹਾਂ ਨੂੰ ਐਸ ਏ ਐਸ ਨਗਰ ਆਪਣਾ ਸ਼ਹਿਰ ਲੱਗਦਾ ਹੈ ਅਤੇ ਉਨ੍ਹਾਂ ਨੇ ਸ੍ਰ. ਬਾਦਲ ਤੋਂ ਮੰਗ ਕੇ ਇਸਦੀ ਅਬਜਰਵਰੀ ਲਈ ਹੈ| ਉਨ੍ਹਾਂ ਕਿਹਾ ਕਿ ਇਹ ਜਨਤਕ ਇਕੱਠ ਸਾਬਿਤ ਕਰਦਾ ਹੈ ਕਿ ਸ੍ਰ. ਰਾਮੂਵਾਲੀਆ ਨਾਲ ਸਾਰੇ ਹੀ ਵਰਗ ਜੁੜੇ ਹੋਏ ਹਨ|
ਇਸ ਮੌਕੇ ਜਥੇ ਉਜਾਗਰ ਸਿੰਘ ਬਡਾਲੀ ਨੇ ਬੋਲਦਿਆਂ ਕਿਹਾ ਕਿ ਅਕਾਲੀ ਦਲ ਤਕੜੇ ਹੋ ਕੇ ਚੋਣਾਂ ਲੜੇਗਾ ਅਤੇ ਸਾਫ ਸੁਥਰੀ ਛਵੀ ਵਾਲੇ ਉਮੀਦਵਾਰਾਂ ਨੂੰ ਟਿਕਟਾਂ ਦੇ ਕੇ ਉਨ੍ਹਾਂ ਨੂੰ ਜਿਤਾ ਕੇ ਮਿਉਂਸਪਲ ਕਾਰਪੋਰੇਸ਼ਨ ਅਤੇ ਕੌਂਸਲਾਂ ਤੇ ਕਾਬਜ ਕੀਤਾ ਜਾਵੇਗਾ|
ਇਸ ਮੌਕੇ ਬੀਬੀ ਅਮਨਜੋਤ ਕੌਰ ਰਾਮੂਵਾਲੀਆ ਨੇ ਸਾਰੇ ਆਏ ਵਿਸ਼ੇਸ਼ ਮਹਿਮਾਨਾਂ ਅਤੇ ਅਕਾਲੀ ਆਗੂਆਂ ਅਤੇ ਵਰਕਰਾਂ ਦਾ ਧੰਨਵਾਦ ਕੀਤਾ|
ਇਸ ਮੌਕੇ ਪ੍ਰੋ. ਪ੍ਰੇਮ ਸਿੰਘ ਚੰਦੂਮਾਜਰਾ ਦੇ ਸਪੁੱਤਰ ਸ੍ਰ. ਸਿਮਰਨ ਸਿੰਘ ਚੰਦੂਮਾਜਰਾ, ਬੀਬੀ ਪਰਮਜੀਤ ਕੌਰ ਬਡਾਲੀ ਜੋਗਿੰਦਰ ਸਿੰਘ ਸਲੈਚ, ਪਰਮਿੰਦਰ ਸਿੰਘ ਸੋਹਾਣਾ, ਜਸਵਿੰਦਰ ਸਿੰਘ ਵਿਰਕ, ਪ੍ਰਦੀਪ ਭਾਰਜ, ਕੰਵਲਜੀਤ ਸਿੰਘ ਰੂਬੀ, ਬਲਦੇਵ ਸਿੰਘ ਮੱਲ੍ਹੀ, ਗੁਰਮੁਖ ਸਿੰਘ ਸੋਹਲ, ਪਰਮਜੀਤ ਸਿੰਘ ਕਾਹਲੋਂ, ਬੁਬੀ ਕੁਲਦੀਪ ਕੌਰ ਕੰਗ, ਹਰਮਨਪ੍ਰੀਤ ਸਿੰਘ ਪ੍ਰਿੰਸ, ਰਾਜਾ ਮੁਹਾਲੀ, ਜਸਵੰਤ ਸਿੰਘ ਭੁੱਲਰ, ਬਲਜੀਤ ਸਿੰਘ ਕੁੰਭੜਾ, ਗੁਰਮੀਤ ਸਿੰਘ ਬਾਕਰਪੁਰ, ਸੋਨੀ ਬੜੀ, ਰਾਜੂ ਜੁਝਾਰ ਨਗਰ, ਹਰਜਿੰਦਰ ਸਿੰਘ ਬਲੌਂਗੀ, ਗੁਰਜੀਤ ਸਿੰਘ ਮੱਲ੍ਹੀ, ਬੀਬੀ ਮਨਮੋਹਨ ਕੌਰ, ਬੀਬੀ ਜਸਵੀਰ ਕੌਰ, ਸੁਖਜਿੰਦਰ ਕਾਉਨੀ, ਪੰਜਾਬ ਸਿੰਘ ਕੰਗ, ਨਿਰਮਲ ਸਿੰਘ ਲਾਂਬਾ, ਮਲਕੀਤ ਸਿੰਘ ਖਾਲਸਾ, ਗਗਨ ਬੈਂਸ, ਸੰਤ ਸਿੰਘ ਕੰਡਾ, ਗੁਰਮੇਲ ਸਿੰਘ ਮੌਜੋਵਾਲ, ਇਸ਼ਪ੍ਰੀਤ ਸਿੰਘ ਵਿੱਕੀ ਸੁਧਾਰ, ਬਲਜੀਤ ਕੌਰ, ਭਿੰਦਰਜੀਤ ਕੌਰ ਬਲੌਂਗੀ, ਬਲਬੀਰ ਖਾਲਸਾ, ਹਰਦਿਆਲ ਸਿੰਘ ਮਾਨ, ਸਤਵੀਰ ਧਨੋਆ, ਅਮਰਜੀਤ ਸਿੰਘ ਪਿੱਲੂ, ਚੇਅਰਮੈਨ ਰੇਸ਼ਮ ਸਿੰਘ, ਗੁਰਮੀਤ ਸਿੰਘ ਸ਼ਾਮਪੁਰ, ਬਲਬੀਰ ਸਿੰਘ ਘੱਗਾ, ਬਲਬੀਰ ਮਸੀਹ, ਅਨੀਸ਼ ਹੈਦਰ ਅਤੇ ਹੋਰ ਵੱਡੀ ਗਿਣਤੀ ਵਿੱਚ ਅਕਾਲੀ ਆਗੂ ਅਤੇ ਵਰਕਰ ਹਾਜਿਰ ਸਨ|
[/align][/align]



Print Edition of Sky Hawk Times, December-17, 2014



ਬਰੇਕਿੰਗ ਨਿਊਜ਼ :

ਬਰੇਕਿੰਗ ਨਿਊਜ਼ : ਪੰਜਾਬ ਸਰਕਾਰ ਨੇ ਕੀਤੀ ਨੋਟੀਫਿਕੇਸ਼ਨ, ਚੋਣ ਕਮਿਸ਼ਨ ਨੂੰ ਲਿਖਿਆ, ਨਗਰ ਨਿਗਮ ਚੋਣਾਂ 20 ਫਰਵਰੀ, ਨਗਰ ਕੌਂਸਲ ਚੋਣਾਂ 25 ਫਰਵਰੀ ਤਕ



Breaking News : Municipal Corporation Elections on Feb 20. Municipal Council Elections b Feb 25. Govt. notifies and writes to state election

Breaking News : Municipal Corporation Elections on Feb 20. Municipal Council Elections b Feb 25. Govt. notifies and writes to state election



<< Prev 1 2 3121 122 123 Next >>


Designed & Maintained By www. tejinfo.com
Welcome! You are visitor No:
© 2008 Skyhawktimes.com